Flash News

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

Makina përfundon në kanal, banorët shpëtojnë babë e bir

Ku fillon drejtësia?/ Mes fjalimeve të Gogut dhe plumbave në terren, kush e mbron policin?

Pëllumb Gjoka flet për akuzat në dosjen “Metamorfoza”: Më kanë bërë gjyq publik, s'kam lidhje me vrasjen e Gjin Ndojit

E-TJERA

Protesta kundër trajtimeve hormonale, pastori Akil Pano kërkon shkarkimin e ministres së Shëndetësisë: Familja nuk dorëzohet

Politiko 1 Qershor 2026, 19:52

Protesta kundër trajtimeve hormonale, pastori Akil Pano kërkon

Në protestën e organizuar nga Koalicioni “Pro Familjes”, kundër trajtimeve hormonale për të miturit që sipas organizatorëve po planifikohen të ofrohen në QSUT, pastori Akil Pano paraqiti katër kërkesa kryesore drejtuar kryeministrit Edi Rama.

Gjatë fjalës së tij, Pano kërkoi “shfuqizimin e ligjit të barazisë gjinore”, duke e cilësuar atë si “ligj anti-njeri, anti-familje” dhe duke pretenduar se “hap derën për transformimin ideologjik që prek shkollën, arsimin, edukimin, familjen dhe fëmijët tanë”.

Një tjetër kërkesë kishte të bënte me ndalimin e terapive hormonale dhe ndërhyrjeve kirurgjikale për të miturit. “Ne refuzojmë që fëmijët shqiptarë të bëhen pjesë e eksperimenteve ideologjike,” deklaroi ai, ndërsa shtoi se “fëmijët shqiptarë kanë nevojë për mbështetje, për ndihmë, për kujdes, për libra, për edukim, jo për eksperimente”.

Pano kërkoi gjithashtu ndalimin e asaj që e quajti “implementim të ideologjisë gjinore në kurrikulat shkollore”, duke deklaruar se “shkolla duhet të mësojë shkencë, duhet të edukojë, jo të indoktrinojë ideologji gjinore”.

Në fund, ai kërkoi shkarkimin e ministres dhe zëvendësministres së Shëndetësisë, duke pretenduar se institucioni “dështon të mbrojë fëmijët” dhe se “duhet të mbajë përgjegjësi”.

Të fundit