Flash News

PaBesia me Zvërnecin/ Zbulohen propozimet e Ramës për anullimin ose jo të projektit

Transportonte një makinë me defekt, aksidentohet karrotreci në aksin Librazhd-Elbasan

Pengmarrja e Nertil Buzit në Londër, grupi i vlonjatëve i hoqën thonjtë me pinca

Pogradec, elektricisti humb jetën pasi ra në kontakt me rrymën elektrike (Emri)

Aksident i trefishtë në aksin Peqin-Elbasan, plagosen dy persona

POLITIKOFF

Ekspertët zbulojnë ngjyrën ideale të dhomës së gjumit për të fjetur më mirë

Politiko 26 July 2026, 21:46

Një gjumë cilësor nuk varet vetëm nga dysheku, jastëku apo temperatura e dhomës. Sipas ekspertëve, edhe ngjyra e mureve mund të ndikojë në mënyrën se si trupi dhe mendja relaksohen para gjumit.

Psikologia Michelle Lewis shpjegon se zgjedhja më e mirë për dhomën e gjumit është një nuancë e butë blu me nënton gri. Sipas saj, kjo ngjyrë krijon një atmosferë qetësuese, duke ndihmuar sistemin nervor të kalojë më lehtë nga aktiviteti në relaks.

Ajo thekson se dhoma e gjumit është ambienti i fundit që njeriu sheh para se të flejë dhe i pari kur zgjohet, ndaj ngjyrat mund të ndikojnë në mënyrën se si përjetohet fillimi dhe fundi i ditës.

Lewis shton se edhe nuancat e tjera të ftohta, si jeshilja e zbehur, livandoja apo tonet mes blusë dhe jeshiles, mund të krijojnë një ndjesi qetësie. Megjithatë, sipas saj, rëndësi ka që ngjyrat të mos jenë shumë të ndezura, pasi intensiteti i tyre mund të ketë efekt stimulues.

Për ata që preferojnë ambiente neutrale, ekspertja rekomandon grinë e ngrohtë ose nuanca që afrohen me bezhën, ndërsa ngjyrat mund të shtohen përmes elementeve dekorative si perde, çarçafë apo qilima.

Nga ana tjetër, disa ngjyra nuk konsiderohen të përshtatshme për një ambient të destinuar për pushim. E kuqja e fortë dhe e verdha e ndezur mund të rrisin ndjesinë e energjisë dhe stimulimit, duke e bërë më të vështirë relaksimin.

Edhe e bardha shumë e shndritshme, sipas Lewis, mund ta bëjë dhomën të duket e ftohtë dhe sterile, duke mos krijuar atmosferën e dëshiruar për një gjumë të qetë.

Të fundit