Flash News

PaBesia me Zvërnecin/ Zbulohen propozimet e Ramës për anullimin ose jo të projektit

Transportonte një makinë me defekt, aksidentohet karrotreci në aksin Librazhd-Elbasan

Pengmarrja e Nertil Buzit në Londër, grupi i vlonjatëve i hoqën thonjtë me pinca

Pogradec, elektricisti humb jetën pasi ra në kontakt me rrymën elektrike (Emri)

Aksident i trefishtë në aksin Peqin-Elbasan, plagosen dy persona

Ditari i Opozitës

Këlliçi sulmon Ramën: Nuk e mbajnë qytetarët në pushtet, por oligarkët dhe klientët e qeverisë

Politiko 26 July 2026, 21:22

Nënkryetari i Partisë Demokratike, Belind Këlliçi, ka reaguar me akuza të forta ndaj kryeministrit Edi Rama, duke pretenduar se mbështetja e tij politike nuk vjen nga qytetarët, por nga grupe që, sipas tij, kanë përfituar nga qeverisja gjatë viteve të fundit.

Përmes një postimi në rrjetet sociale, Këlliçi kundërshtoi pretendimin e Ramës se qytetarë të shqetësuar i kanë kërkuar të mos japë dorëheqjen, duke e cilësuar këtë deklaratë të pavërtetë.

Sipas demokratit, pas kryeministrit qëndrojnë oligarkë, individë të lidhur me interesa financiare, përfaqësues të korruptuar të administratës, patronazhistë dhe grupe kriminale, të cilët, sipas tij, kanë përfituar nga qeverisja e deritanishme.

Postimi i plotë:

Ramës nuk ka kush i shkruan!
Nëse i mbledh të gjithë bashkë, Edi Ramës nuk i bëhen sot as gjysma e 800 mijë votave që pretendon se ka.

Pas tij jane vetëm disa grupime me interesa financiare që janë pasuruar shumë këto 13 vite, oligarkët që kanë ndarë Shqipërinë me të, organizatat kriminale që kanë ndarë pushtet me të, pjesa e korruptuar e administratës dhe patronazhistët.

Të gjithë bashkë edhe në shifra po sidomos në atë që përfaqësojnë nuk mund të mbajnë në karrige një Kryeministër. Kur thotë se i paskan shkruar njerëz të shqetësuar rreth dorëheqjes, ai genjen si dreqi.

Ata që mund t'i shkruajnë janë vetëm klientet e qeverisjes së tij sepse duan të vjedhin më shumë dhe krerët e bandave që nuk duan të humbasin mbështetjen politike. Askush tjetër nuk i shkruan Kryeministrit më të korruptuar në Europë.

Asnjë nga këto grupime nuk konkuron dot me energjinë, kauzën, moralin dhe fabulën e sheshit, të protestës. Ata ia kanë dalë të fitojnë simpatinë e shqiptarëve dhe botës dhe i kanë lënë Ramës një shifër pas të cilës kapet dhe skalionet e policisë me lëndë helmuese.

 

Të fundit