Flash News

Fire breaks out in a building in Astir

KAS rejected the request for a recount of votes, Alimehmeti sues the CEC in the Electoral College

Mahmut Orhan brings a unique experience with Curious X

Six police officers are sent to court, they did not impose fines even though they saw violations

Murder of Martin Cani/ 5 minors called to testify in Court, perpetrator denies charges

E-TJERA

PD denoncon skemën flagrante të manipulimit të votës në Njësinë 9: Vletë votimi me ngjyrë tjetër në kuti

Politiko 2025-05-13 15:00:48

PD denoncon skemën flagrante të manipulimit të votës në

Partia Demokratike ka ngritur një tjetër alarm të fortë për manipulimin e votës në procesin zgjedhor, duke denoncuar skemën e njohur si “treni bullgar” të zbatuar në Njësinë nr. 9 në Tiranë. Sipas PD-së, në kutitë e votimit janë gjetur me dhjetëra fletë të palosura në mënyrë identike dhe të mbushura nga e njëjta dorë, një element kyç i manipulimit sistematik të votës.

Drejtuesi politik i PD-së për qarkun Tiranë dhe kandidati për deputet, Belind Këlliçi, në një intervistë për Syri TV deklaroi se kjo është një skemë e mirorganizuar, e cila tejkalon çdo precedent të mëparshëm dhe për të cilën do të depozitohet një kallëzim penal pranë Task-Forcës së SPAK.

“Pjesa dërrmuese e fletëve të votimit janë të palosura identik. Janë të gjitha të kapura dhe të mbushura në të njëjtën mënyrë. I bie që 200 qytetarë të ndryshëm ta kenë palosur fletën njësoj, me të njëjtat përmasa, çka është e pamundur. Shenjat janë identike dhe kjo tregon se janë plotësuar nga e njëjta dorë. Kjo është skema klasike e trenit bullgar”, deklaroi Këlliçi.

Sipas tij, janë evidentuar gjithashtu fletë votimi me ngjyrë ndryshe nga ato zyrtare. Deri tani janë konfirmuar të paktën tre fletë të tilla, që sipas Këlliçit i përkasin partisë “Mundësia”. “Këto fletë janë fals, të futura në mënyrë të paligjshme në kuti. Kemi të bëjmë me një mashtrim të organizuar dhe të dukshëm që është lehtësisht i verifikueshëm”, theksoi ai.

Këlliçi shpjegoi se kjo metodë manipulimi përfshin dhënien e një flete të mbushur paraprakisht te votuesi, i cili futet në qendër votimi, e hedh në kuti dhe më pas nxjerr fletën origjinale jashtë për ta dhënë te manipuluesit në këmbim të parave. “Kjo është një skemë kriminale e përdorur në zgjedhje në gjithë Ballkanin, por këtë herë ka kaluar çdo kufi”, theksoi ai.

Për këto raste, përfaqësuesit e PD kanë mbajtur procesverbale në tavolinat e numërimit nr. 3 dhe nr. 4 dhe kanë paralajmëruar ndjekje të gjitha hapësirave ligjore për të ndëshkuar përgjegjësit.

“Kjo është forma më e përsosur e manipulimit, por njëkohësisht më e trashë sepse është kaq e dukshme. SPAK është në gjumë, por ne do të bëjmë kallëzim. Kemi të bëjmë me një krim elektoral në zemër të Tiranës”, përfundoi Këlliçi.