Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

KRYESORE

Ish-drejtori i ‘Agon Channel’ letër Avokaturës së Shtetit: A do t’i paguajë vërtet shteti shqiptar Becchettit 140 mln euro?

Politiko 24 Maj 2019, 11:27

Gazetari dhe ish drejtori editorial i televizionit ‘Agon Channel’ (i mbyllur në 2015-ën) Andi Bejtja i ka drejtuar një letër Avokaturës së Shtetit për çështjen ‘Becchetti’.

Përmes kësaj letre, Bejtja ka kërkuar informacion zyrtar nëse shteti shqiptar do t’i paguaj vërtet biznesmenit italian Francesco Becchettit një “gjobë” prej 140 milionë eurosh, pas një gjyqi të humbur në gjykatës së Arbitrazhit.

Letra e plotë:

KOHA PER TRANSPARENCE:

Transsparenca, detyrim moral dhe ligjor per shqiptaret

Dje i dergova nje leter Avokatures se Shtetit mbi te ashtuquajturen ceshtje Becchetti. Jo vetem une por te gjithe shqiptaret duan te dine te verteten. Ne pritje te pergjigjes se tyre, po e bej publik letren qe i dergova, me pyetjet perkatese.

Kërkesë për informacion

Për: Z. Artur Metani

Avokat i Përgjithshëm i Shtetit

Avokatura e Shtetit

Rr. “Abdi Toptani”, Nr. Nr. 5, Kati 4, Tiranë

Nga: Z. Andi Bejtja

Gazetar i Lirë (Freelance)

[email protected]

I nderuar Z. Avokat i Shtetit,

Po Ju drejtohem si gazetar i lirë dhe ish-drejtues i mediave më të mëdha në vend, për momentin bashkëpunëtor i disa emisioneve televizive dhe analist në disa portale, për t’Ju bërë disa pyetje në lidhje me një çështje sensitive, për të gjithë opinionin publik shqiptar, atë të penalizimit të Shqipërisë nga Vendimi i Arbitrazhit ICSID për çështjen me nr. ARB/15/28 i datës 24 Prill 2019 për mbylljen e TV Agon Channel në vitin 2015.

E bëj këtë kërkesë bazuar në ligjin nr. 119/2014 “Për të drejtën e informimit” që garanton njohjen e publikut me informacionin që mbahet nga autoritetet publike në kuadër të transparencës e përgjegjshmërisë së tyre.

Me të drejtat që më jep ky ligj, kërkoj të më vihet në dispozicion nga institucioni Juaj si autoriteti që përfaqëson shtetin shqiptar në çështjet gjyqësore para arbitrazheve e gjykatave ndërkombëtare, informacionin e këkuar nga pyetjet në vijim:

1. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019, i marrë në unanimiet nga të gjithë anëtarët e gjykatës së Arbitrazhit, ka dënuar Shqipërinë me një dëmshpërblim direkt prej të paktën 110,000,000.00 Euro dhe indirekt për efekt res judiciata me një dëmshpërblim prej të paktën 30,000,000.00 Euro, pra për një total prej të paktën 140,000,000.00 Euro?

2. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019, ka përcaktuar se shoqëria “Agonset” Sh.p.k është shpronësuar në mënyrë të paligjshme, e për rrjedhojë sekuestrimi dhe baza e tij, si dhe veprat penale të pretenduara, janë të pabazuara?

3. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019 flet për persekutim politik nga ana e qeverisë Rama ndaj ortakëve të Agonset Sh.p.k?

4. A ka çështje të tjera gjyqësore me Z. Francesco Becchetti për të cilat Shqipëria rrezikon të paguajë dëmshpërblim si pasojë e sjlljes së qeverisë ndaj tij?

Të fundit