Posta e mëngjesit/ Me 2 rreshta: Çfarë pati rëndësi dje në Shqipëri

Mirëmëngjes!

Politiko.al ju sjell një blic lajmesh nga vendi në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Komisioni i Venecias ka pranuar kërkesën e Presidentit Ilir Meta, që të shqyrtojë ndryshimet kushtetuese të Kodit Zgjedhor.

Presidenti i Komisionit, në një letër, sqaron se kërkesa e tij do të shqyrtohet në seancën më të parë të muajit dhjetor.

■ Kreu i Partitë Republikanë, Fatmir Mediu ka ftuar dy ish-nënkryetarët e Partisë Demokratike, Jozefina Topallin dhe Astrit Patozin që të bëhen pjesë e opozitës, për të mos lejuar që votat që nuk kthehen në mandate, të mos i shkojnë mazhorancës socialiste, e cila synon një mandat të tretë qeverisës.

■ Jozefina Topalli me parti të re, Fatos Lubonja: Kush krijon lëvizje në prag zgjedhjesh është delirant, ose i blerë nga Rama; Astrit Patozi kundër:Të paktën nuk është bandë, Fatos!

■ Rekord viktimash nga covid-19 në 24 orët e fundit në Shqipëri, shtatë persona humbin jetën, mes tyre specialistja e Shëndetit Publik dhe mamia nga Elbasani.

■ Pse Eva Dumani refuzoi kthimin në Shqipëri? Gazetarët dhe të afërmit zbardhin detajet: E frenuan një grup grash të radikalizuara; E shoqja e Almir Dacit, që është vrarë në luftë është strumbullari i gjithë kësaj meseleje. 

■ Drama e familjes Berisha/ Mendohej i vdekur, i vëllai i Alvinit është gjallë dhe u kthye në Shqipëri mbrëmjen e djeshme; dyshohet se jeton edhe nëna. Të ngujuar prej kohësh në Al-Hol, ditën e djeshme janë kthyer nga Siria, Endri Dumani dhe anëtarët e familjes Rasha, Floreta së bashku me famijët e saj Amar, Emel dhe Hatixhe. 

E lidhur: "Mbyllet faza e parë për riatdhesimin e shqiptarëve të ngujuar në Al-Hol", Rama: Kemi identifikuar të gjithë fëmijët.

■ "Edi Rama, armik të popullit shqiptar", kështu ka deklaruar kreu i PD-së, Lulzim Basha, teksa shton se "nëse Kodi miratohet të enjten, Evropa nuk hap negociatat". I pyetur se nëse do i bashkonte votat me Hajdarin kryeministre, kryedemokrati shprehet se "Pseudo-opozita e tregoi veten më 30 qershor".Për Bashën, partitë e reja janë të krijuara nga Rama.

■  'Ligjet’ rrëzojnë dekretin e Metës, Kodi Zgjedhor të enjten për rivotim në Kuvend

■ Komisioneri i BE për Zgjerimin, Oliver Varhelyi i është shprehur së fundmi në përgjigje të kryeministrit Rama, se mirëpret një opinion të Komisionit të Venecias për ndryshimet në Kodin Zgjedhor. Nëpërmjet një mesazhi të Twitter, Varhelyi i ka rikujtuar Ramës se do të ishte e matur të pritjes opinioni nga Komisioni përpara rivotimit në Parlament.

Të lidhura: Europarlamentari Michael Gahler ka reaguar pas mesazhit të Komisionerittë BE për Zgjerimin, Oliver Varhelyi, teksa shprehet se deklarata e tij është "e mençur". Nëpërmjet një reagimi në Twitter, Gahler shkruan se institucione si Komisioni i Venecias duhet të respektohen nga të gjitha palët e interesuara.

* Pas mesazhit të Komisionerit të BE për Zgjerimin, Oliver Varhelyi, i cili i bëri thirrje për herë të dytë Ramës, që të presë një opinion të Komisionit të Venecias për ndryshimet në Kodin Zgjedhor para votimit në Parlament, ka ardhur edhe përgjigja e kryeministrit. Teksa ka folur nga Rinasi për fëmjiët e sjellë nga kampi sirian, Rama u shpreh se parlamenti nuk pret asnjë sekondë dhe se Kodi Zgjedhor  do të votohet pa asnjë vonesë pasi me 25 prill janë zgjedhjet.

■ Teksa ka vijuar me akuzat se qeveria ka çuar shëndetësinë në kolaps, kreu i PD, Lulzim Basha, është shprehur se deputeti i mazhorancës, Tom Doshi, është kryemafiozi i ilaçeve në Shqipëri. Në një konferencë për mediat, Basha thekson se politika shëndetësore e qeverisë aktuale rrotullohet e gjitha drejt Doshit dhe se ai është strumbullari i ilaçeve, me një duzinë mbrapa tij.