Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

KRYESORE

Macron kërkon që midis BE-së dhe Rusisë të zgjidhen problemet për të ardhmen e kontinentit

Politiko 28 Gusht 2019, 19:28
Macron kërkon që midis BE-së dhe Rusisë të zgjidhen

Presidenti francez Emmanuel Macron kërkon që problemet midis BE-së dhe Rusisë të zgjidhen, pasi vetëm në këtë mënyrë kontinenti evropian do të jetë i qëndrueshëm.

Gjatë samitit të G7-ës, presidenti amerikan Donald Trump bëri thirrje për rikthimin e Rusisë në grupin elitar nga i cili u përjashtua pas aneksimit të gadishullit ukrainas të Krimesë në vitin 2014.

"Mendoj se duhet të ndërtojmë një model të ri për sigurinë dhe besimin në Evropë. Kontinenti evropian nuk do të jetë kurrë i qëndrueshëm dhe i sigurt nëse nuk gjen paqe dhe përmirësim të marrëdhënieve me Rusinë. Të jemi të qartë se kjo nuk është në interes të disa prej aleatëve tanë. Disa prej tyre gjithmonë do të bëjnë presion për të vendosur më shumë sanksione ndaj Moskës. Kjo është në interesin e tyre, edhe nëse ata janë miqtë tanë. Por nuk është në interesin tonë", tha Macron.

Kurse presidenti i Këshillit të Bashkimit Evropian, Donald Tusk, polak, kritikoi presidentin Trump të shtunën për sugjerimin se Rusia duhet të ftohet në takimet e G-7-ës.

"Unë do të përpiqem të bind bashkëbiseduesit e mi se do të ishte më mirë të ftohej Ukraina, si mysafire, natyrisht, në takimin e ardshëm të G7-ës për të dëgjuar mendimin e presidentit të tyre të ri (Volodymy Zelenskiy). Bisedova me të për këtë çështje dy ditë më parë, dhe e di se ai do të ishte shumë i interesuar".

Edhe Britania e Madhe kundërshton rikthimin e Rusisë në G7. Macron mendon se Rusia nuk mund të pranohet në grup si anëtare e plotë për shkak të veprimeve të saj në Britani dhe Ukrainë, por ai tha se largimi i saj nga Evropa është një gabim strategjik, i cili ka bërë që Moska të ndërtojë aleanca diku tjetër.

Të fundit