Flash News

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

KRYESORE

Negociatat/ Cakaj në Sllovaki dhe Hungari. Szijjártó: Shtyrja e vendimit do ishte e papranueshme

Politiko 10 Maj 2019, 18:42
Negociatat/ Cakaj në Sllovaki dhe Hungari. Szijjártó: Shtyrja

Ministri i Jashtëm në detyrë, Gent Cakaj, është zyrtari i parë i këtij niveli që zhvillon një vizitë zyrtare në Sllovaki, në dy dekadat e fundit, njofton MEPJ. Gjatë qëndrimit në Bratislavë, Cakaj u takua me homologun Miroslav Lajčák, me të cilin diskutoi mbi marrëdhëniet dypalëshe, integrimin në BE, bashkëpunimin në kuadër të OSBE-së dhe bashkëpunimin rajonal.

Sa i përket procesit të integrimit evropian, Ministri Lajčák u shpreh se Sllovakia mbetet avokate e fortë e procesit të zgjerimit dhe integrimit të Shqipërisë në BE, duke e konsideruar Ballkanin Perëndimor të rëndësishëm për sa i përket adresimit të disa prej sfidave me të cilat përballet sot BE-ja.

Edhe në vizitën që zhvilloi në Budapest, Cakaj mori mbështetje për hapjen e negociatave të Shqipërisë me Bashkimin Evropian. Madje, ministri i Jashtëm, Péter Szijjártó tha se për Hungarinë do të ishte e papranueshme shtyrja e vendimit për hapjen e negociatave me Shqipërinë, duke kërkuar që vendimi të merret në muajin qershor.

Duke theksuar rëndësinë e procesit të Zgjerimit dhe kredibilitetit të tij Péter Szijjártó  shtoi se siguria dhe stabiliteti i Ballkanit Perëndimor janë të rëndësishme dhe ndikojnë drejtpërdrejtë edhe në sigurinë e Evropës Qendrore.

Cakaj dhe Szijjártó firmosën dy marrëveshje,  Marrëveshjen për asistencë të përbashkët në fushën e përmirësimit të menaxhimit të mbetjeve, shërbimit publik të ujësjellësit, politikave për çështjet klimatike, menaxhimit të energjisë së rinovueshme dhe efiçencës së energjisë dhe Marrëveshjen për punësimin e ndërsjellë të familjarëve të diplomatëve me shërbim në vendet tona.

Në Sllovaki dhe në Hungari, Cakaj ka diskutuar me homologët për kryesinë shqiptare të OSBE-së për  vitin 2020 si dhe për kandidaturën e  Shqipërisë për një vend të përkohshëm në Këshillin e Sigurimit të OKB për periudhën 2022-2023.

Të fundit