Gazetarët dhe operatorët e televizioneve kanë braktisur në shenjë protestë mbledhjen e Komisionit të Ligjeve pas përplasjes me kryetarin Ulsi Manja. Shkak janë bërë dyshimet e Manjës se kameramanët po xhironin telefonat e deputetëve në sallë.
Manja ka ndërprerë mbledhjen dhe ka fyer operatorët e pranishëm, si dhe ka kritikuar punën e gazetarëve.
Esiona Konomi, gazetare e Report Tv, ka publikuar fotot nga korridoret e Kryesisë së Kuvendit ku ironizon deklaratat e socialistit Manja.
Duke protestuar ndaj kryetarit te Komisionit të Ligjeve, i cili fyeu operatorët e televizioneve. Z. Manja ndërpreu mbledhjen sepse dyshoi që kameramanët po xhironin telefonat e deputetëve. Gjuha e toni i papërshtatshëm e fyes na detyroi të braktisim të gjithë mbledhjen dhe po “shijojmë” korridorin e Kuvendit teksa z. Manja po bën moral brenda mbledhjes mbi punën tonë, se të tijen e kryen me dinjitet. Prokurori në krye të ligjeve nuk e evidentoi dot kolegën qe kishte vendosur fokusin mbi celularin e Baba Takut. Dhe bëri gjueti shtrigash…”, shkruan Konomi.
Nuk është hera e parë që Ulsi Manja fyen dhe kërcënon gazetarë dhe analistë. Duke ndjekur shembullin e kryeministrit Edi Rama, Manja ka kërcënuar edhe analistin Fatos Lubonja me arrestim, për shkak të deklaratave kundër qeverisë dhe klasës politike në tërësi.
Discussion about this post