Policia britanike ndalon 4 shqiptarë të ‘paketuar’, dëbohet anëtari i bandës që i trafikonte (Emri dhe fotot)

Katër emigrantë shqiptarë u ndaluan duke kaluar kufirin për më Britaninë e Madhe në mënyrë ilegale.

Sipas gazetes britanike Daily Mail, shqiptarët ugjetën të mbyllur brenda kutive të mëdha të kartonit në anën e pasme të një furgoni që shkonte për në Dover.

Rojet kufitare kanë ndaluar furgonin, i cili po udhëtonte nga Frankfurti në Derby, në Calais para se të kalonte Kanalin në Britani të Madhe.

Më vonë policia zbuloi se të ndaluarit u kishin paguar nga 600 paund (700 euro) trafikantëve, njëri prej të cilit ndodhet pas hekurave.

Vladimir Tollumi, 39 vjeç, ishte njëri nga katër personat që trafikonin emigrantë të paligjshëm në Britani.

Tollumi ishte ligjërisht në Mbretërinë e Bashkuar pasi iu dha e drejta për të qëndruar në 2004, por ai do të dëbohet që aty pasi të kryejë dënimin me 40 ditë burg që ju dha javën e shkuar.

Prokuroria Sarah Slater tha se furgoni me emigrantët shqiptarë që po futeshin ilegalisht në Angli, u kap rreth orës 5 të mëngjesit në anën franceze të kufirit nga zyrtarët e kontrollit kufitar.

“Shoferit ju kërkua që ta hapte pjesën e pasme të furgonit dhe brenda ishin gjashtë kuti të vulosur me shirit blu. Kur kutitë u hapën, brenda katër prej tyre ishin katër shqiptarë që po futeshin ilegalisht në Angli”, tha prokurorja për mediat.

Perktheu Politiko.al

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm