Këto trende flokësh do t’i shihni kudo gjatë 2026-s

Gjatë këtij viti, VIP-at shqiptarë provuan një sërë modele flokësh të cilat mund të jenë frymëzim për ju gjatë vitit të ardhshëm.

Stili bob

Prerjen bob të flokëve pritet ta shohim thuajse kudo edhe në 2026. Ky stil mund të themi pa frikë se nuk zhgënjen kurrë. Ju bën të dukeni edhe më elegante dhe ajo çfarë është më e rëndësishmja, nuk merr shumë nga koha juaj për t'u stiluar.

 Aksesorët te flokët

Këtë vit, një tjetër trend që pritet të rikthehet është vendosja e aksesorëve në flokë. Nga fjongot deri tek kapëset më të mëdha në ngjyrë ari ose argjendi mund t'i shohim kudo përgjatë vitit të ardhshëm. Prapa në kohë na ktheu Kida me një postim të saj në Instagram, ku në një pjesë të mirë të flokëve qëndronin të kaour plot aksesorë.

Flokë ngjyrë kafe e errët me shkëlqim

Për ata që nuk duan të eksperimentojnë shumë me flokët, kjo ngjyra e flokëve të Sara Hoxhës do të ishte zgjedhja perfekte. Një kafe e errët e cila i shkon shumë mirë për shtat muajve të ftohtë të dimrit.

Një prej modeleve të flokëve të provuar nga Kiara Tito mund të jetë ideali për ty që dëshiron të shfaqësh sa më shumë tiparet e fytyrës. Një kapje e ulët, pak e tërhequr, me pak xhel me shkëlqim do të ishte perfekte për një mbrëmje jashtë.

Bionde me nuanca të ngrohta

Nëse nuk dëshiron t'i kthehesh ngjyrës kafe, por të ruash një bionde pak më të shëndetshme e më pranë natyrales, ngjyra e flokëve të Bieta Sulos mund të jetë e duhura për ty. 

Flokë të kapura me baluke

Edhe nëse nuk ke baluke, për të realizuar këtë stil nuk ke aspak nevojë ta konsiderosh prerjen e tyre. Një kapje e lehtë e dy pjesë nga flokët të lëna lëshuar e bëjnë më së miri punën e tyre. Xhemi, është një VIP-at që e ka provuar këtë stil dhe na lejoni t'ju themi që duket yll.