Transformimi i Shiloh Jolie-Pitt

Fëmija adoleshent i Angelina Jolie dhe Brad Pitt, Shiloh - e cila shihet si një ikonë e komunitetit LGBT në të gjithë botën, është parë së fundmi komplet ndryshe nga ça jemi mësuar duke e parë. Me flokë të gjata, me pantallona të shkurtra por sportive si gjithmonë.

14-vjeçarja ka bërë një dalje të rrallë publike, teksa ishte me mamanë e saj Angelina Jolie dhe me motrën Zahara.

E veshur me një pantallona të shkurtra xhins, me një hoodie të zezë, Shiloh duket krejt ndryshe por vërehet dhe rritja që ka pësuar në fizik, duke ia kaluar dhe mamasë së saj për gjatësi. Në fakt, pamja e saj e re madje mund të konsiderohet konvencionale ose stereotipike - të paktën kur vihet në kontrast me stilin e saj të vjetër.

Në një intervistë të vitit 2008 me Oprah Winfrey, Brad u shpreh hapur rreth rritjes së Shiloh: "Ajo dëshiron të quhet John. John ose Peter. Dhe pastaj unë do të them, ‘John, do të doje pak lëng portokalli?’ Dhe ajo thotë, ‘Jo!’ ”

Ndërsa Angelina tha për "Vanity Fair" në një intervistë të vitit 2010 se Shiloh ka eksploruar gjininë që në moshën tre vjeçare. "Ajo dëshiron të jetë një djalë", tha Jolie. “Kështu që na u desh t’i presim flokët. Ajo pëlqen të veshë rroba djali. Ajo mendon se është një nga vëllezërit e saj. ”

Që atëherë, shumë fansa i janë referuar gjerësisht Shiloh-it si John. Në fakt, një kërkim në 'Google Trends' zbulon se përdoruesit në internet kërkojnë si "Shiloh" ashtu edhe "John" në mënyrë të barabartë.

Në shumë dalje publike, Shiloh është veshur si djalë, me kostume dhe ka neglizhuar fustanet apo veshjet shik femërore. Madje ka pasur gjithmonë flokë të shkurtër në pamjen e saj. Dhe për këtë, prindërit e kanë mbështetur gjithmonë.

Pra, nuk është për t'u habitur që ndjekësit e familjes së super yjeve kanë vërejtur ndryshimin e papritur në stilin e Shiloh. “Unë e dua këtë pamje të re! Ajo gjithnjë duket bukur me çdo pamje ”, komentoi @dannelope në Instagram.