Flash News

Qeveria bën gati kompleksin e kullave për administratën

SPAK nis hetimet ndaj oficeres së policisë, mori 1 mijë euro ryshfet për të pushuar një çështje penale

Hetimi i SPAK për identifikimin biometrik, Celibashi: Kam zero shqetësim

Posta e mëngjesit/ Me 2 rreshta: Çfarë pati rëndësi dje në Shqipëri

Çfarë fshihet poshtë urrejtjes së SPAK për trashëgiminë dhe bamirësinë?

Rajoni

Lajçak dhe Escobar javën e ardhshme në Kosovë dhe Serbi

Politiko 2 Qershor 2023, 17:41

Lajçak dhe Escobar javën e ardhshme në Kosovë dhe Serbi

I dërguari i posaçëm i Bashkimit Evropian për dialogun Kosovë-Serbi, Miroslav Lajçak, dhe i dërguari i posaçëm i SHBA-së për Ballkanin Perëndimor, Gabriel Escobar, pritet të vizitojnë javën e ardhshme Kosovën dhe Serbinë.

Sipas Radio Evropa e Lirë, ata do të qëndrojnë në Prishtinë e Beograd të hënën dhe të martën.

Vizita e tyre, sipas të njëjtit burim, do të ketë dy qëllime kryesore: uljen e tensioneve në veri të Kosovës dhe vazhdimin e punës për zbatimin e Marrëveshjes që çon drejt normalizimit të marrëdhënieve Kosovë-Serbi.

Kjo vizitë e dy zyrtarëve të lartë vjen në kohën kur situata në veri të Kosovës është tensionuar.

Tensionet në atë pjesë të Kosovës u rritën që më 26 maj, kur Policia e Kosovës ndihmoi kryetarët shqiptarë të komunave me shumicë serbe të hyjnë në zyrat komunale, përkundër rezistencës së banorëve lokalë.

E SHBA-ja e kritikoi Qeverinë Kurti për veprimet e saj dhe e sanksionoi Kosovën me mospjesëmarrje në stërvitjet ushtarake “Defender Europe 2023”.

Të fundit