Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Maxhorancës

Justifikohen Çuçi dhe Manja: E tërhoqëm Amnistinë Penale në respekt të traditës, votat i kemi

Politiko 22 Shkurt 2024, 11:19

Justifikohen Çuçi dhe Manja: E tërhoqëm Amnistinë

Socialistët e tërhoqën ligjin për Amnistinë Penale nga rendi i ditës në Kuvend. E fill pas miratimit të dy projektligjeve të kundërshtuara nga opozita, si marrëveshja Itali-Shqipëri për refugjatët dhe për zonat e mbrojtura, deputet socialistë kanë justifikuar tërheqjen e amnistisë.

Në një deklaratë për mediat, kreu i grupit parlamentar të socialistëve, Bledi Çuçi, tha se arsyeja e tërheqje nga ligji nuk ishte mungesa e votave, por konsensusi mes PS dhe PD.

“Qëndrimi i Bashës e kishim dëgjuar dje. Ne i kemi votat solide. Ka edhe të tjerë brenda parlamentit që e votojnë amnistinë. Do shohim çdo ndodhë në ditët në vijim. Sot e tërhoqëm në respekt të traditës për ta votuar me konsensus të plotë. Në respekt të këtij bashkëpunimi për ta votuar me konsensus të plotë, sot u tërhoqëm.  94 vota janë gjithmonë në parlament. Publiku e ka kuptuar kush e ka seriozisht, është një ligj ku përfitojnë, kur ka një grup të madh përfaqësuesish të PD që përfitojnë”, deklaroi Çuçi.

Nga ana tjetër, ministri i Drejtësisë Ulsi Manja deklaroi se drafti i propozuar nuk mund të kthehet pas në Komisionin e Ligjeve teksa tha se projektligji në fjalë nuk synon amnistonin e trë dënuarve për korrupsion apo krimin e organizuar.

“Referuar rregullores së Kuvendit, drafti nuk kthehet pas në Komisionin e ligjeve.  Fakti që ne e tërhoqëm nga rendi i ditës, do të thotë se konsensusi sipas traditës do të gjendet në këtë sallë. Gjatë këtyre dy ditëve kam dëgjuar plot avokatë dhe juristë sharlatanë, që rrinë me draftin e tyre në xhep, secili për të mashtruar qytetarët dhe familjarët që presin për të afërmit e tyre. E kemi bërë të qartë nuk ka amnisti për korrupsionin dhe krimit të organizuar dhe draftin e kemi bërë të qartë në dritën e diellit. Nuk kërkojmë votat e njërit apo tjetrit, as të  Bashës as të kërkujt, por kërkojmë votat e deputetëve të majtë dhe të djathtë siç e kërkon tradita, është në nderin e çdo deputeti pasi të lexojë ligjin dhe të japë votën. Nuk duam amnisti me vota të kondicionuara”, tha Manja.

Të fundit