Flash News

Official/ Massimiliano Allegri is the new coach of Milan

The seal of the ballots will be verified, the first box of May 11 will be opened on Monday

Kosovo-Albania arms trafficking, pistols and automatic rifles seized, 10 arrested

Morning Post/ In 2 lines: What mattered yesterday in Albania

4 cars collide in Fier, two people injured

Bota

Mbretëria e Bashkuar e shqetësuar për mbylljen e institucioneve në veri të Kosovës

Politiko 2025-05-29 20:46:36

Mbretëria e Bashkuar e shqetësuar për mbylljen e institucioneve

Ambasadori i Mbretërisë së Bashkuar në Organizatën për Siguri dhe Bashkëpunim në Evropë (OSBE), Neil Holland, ka shprehur shqetësim për mbylljen e ndërtesave dhe institucioneve në veri të Kosovës, që funksiononin sipas sistemit të Serbisë.

Sipas një njoftimi të publikuar në ueb-faqen e Qeverisë britanike lidhur me raportin e shefit të misionit të OSBE-së në Kosovë për gjashtë muajt e fundit, Holland po ashtu tha se është urgjente që Kosova të formojë Qeverinë e re, pas zgjedhjeve të shkurtit që tha se u mbajtën në mënyrë paqësore.

“Jemi veçmas të shqetësuar me natyrën e pakoordinuar të mbylljes së institucioneve dhe ndërtesave në veri të Kosovës që ofrojnë shërbime vitale për serbët e Kosovës dhe komunitetet e tjera joshumicë. Mbretëria e Bashkuar vazhdon të inkurajojë Qeverinë e Kosovës që të sigurohet që komunitetet joshumicë të mund të luajnë rol të barabartë në të ardhmen e shtetit dhe të respektojnë zotimet e Kosovës si një shtet gjithëpërfshirës dhe multietnik”, tha ai.

Kosova nisi mbylljen e institucioneve serbe në fillim të vitit 2024. Fillimisht u mbyllën organet e përkohshme komunale, banka Kursimorja e Postës, Posta e Serbisë, Fondi për sigurim pensional dhe shëndetësor, qendrat për punë sociale, ndërmarrjet publike dhe institucione të ngjashme.

Për sulmin në Banjskë dhe në Ibër-Lepenc, Kosova ka fajësuar Serbinë, por Beogradi ka mohuar përgjegjësinë.

Ambasadori britanik po ashtu kërkoi që Kosova dhe Serbia të angazhohen në dialogun e ndërmjetësuar nga Bashkimi Evropian dhe të zbatojnë obligimet, përfshirë themelimin e Asociacionit të komunave me shumicë serbe./REL

Latest news