Erdogan “kërcënon: BE-në: Do hapim derën e Evropës për sirianët nëse nuk na mbështesni mjaftueshëm

Presidenti i Turqisë,  Recep Tayyip Erdogan ka “kërcënuar” Bashkimin Evropian se do të orientojë refugjatët sirianë drejt Europës nëse nuk merr mjaftueshëm mbështetje.

Në një konferencë për shtyp me kryeministrin hungarez Viktor Orban në Budapest , Erdogan tha se Turqia nuk mund të marrë përsipër e vetme barrën e refugjatëve dhe se kërkon të krijojë një “zonë të sigurt” në veri-lindje të Sirisë, pasi rreth 2 milionë refugjatë sirianë mund të lëvizin pasi rajoni të “pastrohet nga milicia kurde”.

“Pavarësisht nëse marrim ose jo mbështetje, ne do të vazhdojmë të ndihmojmë mysafirët që do të vijnë. Por nëse nuk kemi sukses, atëherë na duhet të hapim derën”, tha Erdogan .