Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas Albanit, babai i tij i kushton poezi nënës së 4 djemve të tij

Politiko 16 Korrik 2017, 21:32
Pas Albanit, babai i tij i kushton poezi nënës së 4 djemve

“Mendoja se isha i aftë me fjalët por më dridhet zëri sa herë që mendoj për ty. Gjuha e zemrës nuk ka nevojë për fjalë!

TE DUA PERJETESISHT ENGJELLI IM”

Kanë qenë këto fjalët e këngëtarit Alban Skënderaj vetëm pak ditë pas ndarjes të së ëmës nga jeta e sot babai i tij Qerim Skënderaj ka ndarë me të gjithë miqtë rreshtat që i ka kushtuar të dashurës së zemrës. Në ndryshim nga djali, babai ka gjetur forcën të thurë një poezi për të shtrenjtën e tij duke na lënë të kuptojmë brengën e mungesës të së shoqes.

Dhëmbshuria ime, mirmëngjes.

Si ke fjetur, aty poshtë, pa mua?

Erdha prap sot, të përshëndes,

Dhe sërish të them se sa të dua.

Unë, këtu lartë, s’fjeta fare,

Preka, bashkë me ty, çdo kujtim.

Shpirtin ma pushtoi një brengë e madhe,

Lodhja jote…, vidë pambarim…

Tani shlodhu, e lodhura ime.

Prej këtej, ike punëmbaruar.

Bijtë e tu, vepra më sublime,

S’e harrojnë klloçkën e munduar.

Ja dhe pakë, e do të kenë rrethuar,

Duart plotë me lule gjithë shkëlqim.

Shpirti yt, me mall i ka bekuar,

Ndaj me lotë e shprehin dashurinë.

Po ti fli, prehu pa merak,

Lulet s’do t’i ndajmë asnjë ditë.

Tani sapo shtova një zambak,

Të rri hijshëm, si një luledritë…

Kur të zgjohesh, na vështro nga lartë,

Jemi të bashkuar si përherë,

Prandaj mbrona me krahët e artë,

Syri i lig, nuk derdh lotë, por vrer.

Të fundit