110 milionë euro, Beketi: U persekutuam politikisht nga një qeveri e korruptuar

Revista e njohur ndërkombëtare, Global Legal Chronicle, e specializuar në analizimin e çështjeve ligjore, shkruan për çështjen “Agron Channel’. Në një artikull të gjatë me titull: “Koktej molotov prej 110 milion eurosh”, gazerari Dominic Carman nënvizon se shteti shqiptar ka humbur në arbitrazhin ndërkombëtar gjyqin me biznesmenin italian, Françesko Beketi.

Gazetari kujton se Agon Channel, me 500 të punësuar, u mbyll në Tetor të 2015-ës me urdhër të kryeministrit Edi Rama, që akuzonte asokohe Beketin për pastrim parash, por qe rezulton akuze e pavertet. Sipas tij, liria e medias është një ndër kushtet kryesore për tu anëtarësuar në Bashkimin Europian, të cilin Shqipëria nuk e përmbush nën drejtimin e kryeministrit aktual, Edi Rama.

Gazetari shprehet se qeveria shqiptare duhet të heqë nga buxheti i shtetit 110 milionë euro për t’ia kaluar Beketit, ndërsa shton se Edi Rama ka refuzuar të komentojë mbi këtë çështje. “Nuk kam asnjë mendim, sepse është konfidencial në bazë të vendimit të gjykatës. Është konfidenciale; askush nuk mund të flasë për këtë”, i ka pohuar Rama ne nje takim te shkurter ne Londer.

Global Legal Chronicle citon edhe biznesmenin italian, Françesko Beketi, i cili këtë fitore ia ka dedikuar ish-punjësve të Agon Channel.

“Familja ime dhe unë jemi të kënaqur që beteja jonë katërvjeçare ligjore dhe lufta kundër arrestimit të paligjshëm dhe përndjekjes politike tani është në fund. Mendimet tona të para shkojnë tek të gjitha familjet e punonjësve të grupit (Agon Channel), të cilët kanë vuajtur aq padrejtësisht për shkak të veprimeve të ashpra të qeverisë së korruptuar shqiptare. Jemi të kënaqur që gjykata e mori hapin e rrallë duke konfirmuar se ne kemi qenë subjekt i një persekutimi shtetëror. Ne tani po presim të vazhdojmë me jetën tonë dhe aktivitetet e biznesit”, sqaron Beketi.