Kukësi sot fitoi 1-0 ndaj “Demave të kuq” në ndeshjen e javës së 19-të të kampionatit shqiptar. Sulmuesi anësor Kristal Abazaj shënoi golin e vetëm të fitores në pjesën e dytë.
Rastet për gol nuk munguan në pjesën e parë, ama golat po. Pjesa e dytë ishte më tërheqëse, ndonëse sepse edhe regjistroi aksionin e dyshimtë të golit. Duhet theksuar se më shumë fat patën të besuarit e Shpëtim Duros, të cilët u ndihmuan shumë nga portieri.
Abazaj shënoi me parabolë në të 66′. Goli ishte fantastik, por Belica arriti ta largojë topin me këmbë dhe rasti vlen për t’u diskutuar (nëse mbrojtësi i Partizanit e ndali sferën në vijën fatale apo jo).
Gjyqtari i pestë Shahini e vlerësoi gol të rregullt dhe kaq mjaftoi që Kukësi të fitonte 3 pikët. Mbetet për t’u bërë një tjetër analizë për këtë gol, mundësisht në kënde më optimale shikimi.
