“A do ta qepësh atë gojë?!”/ Sharje dhe ofendime, 6 momentet më pikante në debatin e parë presidencial Trump-Biden

Presidenti Donald Trump ka zhvilluar mbrëmjen e djeshme debatin e tij të parë presidencial me rivalin demokrat, Joe Biden.

Sipas disa mediave amerikane, debati ka rezultuar në një katastrofë të vërtetë, për shkak të sjelljes së Trump.  Presidenti aktual, njëherazi dhe kandidat për një mandat të dytë në krye të SHBA, ngacmoi, bullizoi dhe ngatërroi situatën gjatë përballjes 90 minutëshe, duke ndërprerë Biden dhe moderatorin Chris Wallace të Fox News disa herë.

Ai injoroi pyetjet thelbësore dhe argumentet e politikës së Biden, dhe e sulmoi atë vazhdimisht duke pasur në shënjestër djalin e tij dhe duke bërë një përshkrim të arritjeve të Trump që shpesh transmetohen nga mediat krah tij.

Pas ndërhyrjeve të shpeshta të Trump, Biden e ka ironizuar rivalin e tij, duke e quajtur atë "klloun", "racist" dhe "presidentin më të keq që Amerika ka pasur ndonjëherë". Ai kritikoi punën që administrata e Trump ka bërë mbi  trajtimin e pandemisë së koronavirusit, dështimin e tij për të prodhuar një plan të kujdesit shëndetësor dhe përgjigjen e tij ndaj protestave për padrejtësinë racore.

Përsëri, Wallace u përpoq të rifitonte kontrollin e debatit, por pa sukses.

Kur Trump u ankua se vetëm ai po ndëshkohej që po ndërhynte vazhdimisht, Wallace u përgjigj: "Sinqerisht, ju keni bërë më shumë ndërhyrje".

Më poshtë keni gjashtë momentet më pikante të debatit presidencial:

Trump nuk po i dënon supremacistët e bardhë

Në mënyrë të përsëritur dhe të drejtpërdrejtë, Biden e quajti Trump racist.

"Ky është një President i cili ka përdorur gjithçka ka pasur në dorë për t'u përpjekur të gjenerojë urrejtje raciste, ndarje raciste," tha ish-nënkryetari.

Gjatë një pjese të debatit që u përqëndrua në marrëdhëniet midis racave, protestat, dhunën dhe policinë, Trump u përpoq të lidhte Biden me elementët e dhunshëm dhe shkatërrues të protestave të kësaj vere, dhe mbi vrasjet policore të George Floyd në Minesota, Breonna Taylor në Kentucky dhe të tjerë, edhe kur, Biden e dënoi dhunën.

Trump gjithashtu pretendoi se periferitë e Amerikës, të cilat kanë anuar në favor të demokratëve gjatë mandatit të tij, do të "zhdukeshin" nëse Biden zgjidhet.

"Ai nuk do të njihte një periferi nëse nuk do të merrte një kthesë të gabuar", u përgjigj Biden duke shtuar se "kjo nuk është 1950" dhe bilbilat e qenve të Trump "nuk funksionojnë më" Ai tha se trajtimi i pandemisë nga ana e Trump dhe cështjet e klimës kanë dëmtuar periferitë.

Seksioni përfundoi me Trump duke refuzuar kategorikisht të dënonte njerëzit e bardhë kur u kërkua ta bënte këtë nga Wallace dhe Biden.

"Qëndroni prapa dhe qëndroni pranë", i tha ai grupit të milicisë supremaciste Proud Boys, në një moment që të kujton përgjigjen e tij ndaj marshimit të supremacistëve të Bardhë në Charlottesville, Virginia, në 2017.

"Komandanti i përgjithshëm refuzoi të dënojë epërsinë e Bardhë në skenën globale para fëmijëve të mi, para familjeve të të gjithëve, dhe atij iu dha mundësia shumë herë për të dënuar epërsinë e Bardhë dhe ai i dha një shkelje syri  një racisti, organizatë vrasëse naziste", tha Van Jones, komentatori politik i CNN.

"Kjo është e vetmja gjë që ndodhi sonte," tha ai. "Kjo është ajo që ndodhi sonte.

Diskutimi i mënyrës së realizimit të zgjedhjeve

Mes shpërthimit të një numri keqinformimesh dhe gënjeshtrash në lidhje me votimin përmes postës, Trump nuk arriti të pohojë një gjë që ai u pyet në lidhje me të: nëse ai do të inkurajonte mbështetësit e tij të ishin paqësorë nëse rezultatet e zgjedhjeve janë të paqarta.

"Unë jam duke inkurajuar mbështetësit e mi të hyjnë në sondazhe dhe të shikojnë me shumë kujdes", tha Trump kur u pyet se çfarë do t'u thoshte ndjekësve të tij në një botë pas 3 nëntorit.

Pasi lëshoi gënjeshtrat e tij të zakonshme në lidhje me votimin “mashtrues”,  megjithëse para një audience masivisht të re dhe pa një kontroll të fakteve nga moderator, Trump deklaroi se nuk do të mbështeste një rezultat në rrethana të caktuara.

"Nëse shoh dhjetëra mijëra fletëvotime që manipulohen, nuk mund të jem dakord me këtë," tha Trump. Ishte një përgjigje që do të bëjë pak për të qetësuar frikën e kaosit pas zgjedhjeve. Nga ana e tij, Biden këmbënguli që nëse amerikanët votojnë në një numër të madh, me sa duket për të, një zgjedhje e kontestuar mund të parandalohet.

Çdo gjë përveç koronavirusit

Nëse Trump ka një strategji mbizotëruese në ditët e fundit të fushatës, është për të larguar vëmendjen nga pandemia e koronavirusit, të cilën votuesit thonë në sondazhe se ai e ka keq menaxhuar.

Ka qenë e qartë për muaj me rradhë që Trump është i etur për të vazhduar më tej.

Dhe nëse qëllimi i tij të martën ishte të linte në hije të dhënat e tij të koronavirusit, Trump mund të ketë qenë i suksesshëm.

Pavarësisht përpjekjeve të Biden për ta injektuar atë përsëri në diskutim në mënyrë periodike, debati kaloi në argumente dhe grindje që në fund të fundit nuk u përqëndruan në pandeminë globale, e cila derimëani ka vrarë rreth ka vrarë më shumë se  1 milion njerëz.

Trump tha hapur se procesi i vaksinës është politik, u tall me Biden për mbajtjen e një maske dhe në vend të një mbrojtje të fortë të rekordit të tij, ai pretendonte se një president hipotetik si Biden do të kishte bërë më keq.

Audienca e zvogëluar dhe mungesa e një shtrëngimi duarsh sollën gjithashtu krizë shëndetësore në atmosferën e sallës së debatit. Dhe Biden bëri referenca të shumta për 200,000 Amerikanët që kanë vdekur. Por në fund të fundit debati nuk ishte rreth pandemisë. Bëhej fjalë për luftën kundër Trump, e cila sipas tij mund të konsiderohet vetëm pozitive.

Emërimi në Gjykatën e Lartë

Çështja mbizotëruese në Capitol Hill tani është emërimi i Amy Coney Barrett nga Trump për të zëvendësuar Ruth Bader Ginsburg të Gjykatës së Lartë.

Por ndërsa debati u hap me pyetje në lidhje me Gjykatën e Lartë, detajet kryesisht humbën mes kaosit, pasi Trump ndërpreu përgjigjet e Biden dhe Wallace u përpoq të frenonte një debat që po kalonte në çrregullim që nga momeni i hapjes.

Biden u përpoq ta kthente diskutimin rreth kujdesit shëndetësor, duke treguar potencialin për një Gjykatë të Lartë me një shumicë konservatore 6-3 për të përmbysur Aktin e Kujdesit të Përballueshëm, duke përfshirë mbrojtjen e tij për ata me kushte para-ekzistuese, dhe për trë zhbërë,  Roe v. Wade, vendimi i gjykatës i vitit 1973 që legalizoi abortin në shkallë vendi.

Asnjë nga ato ndryshime thelbësore nuk u prish me të vërtetë, megjithëse Trump ndërpreu në mënyrë të përsëritur Biden dhe moderatori dhe dy kandidatët biseduan për njëri-tjetrin.

“A do pushosh?!"

Biden kryesisht iu përgjigj ngatërrimeve dhe ndërprerjeve të Trump me rrokullisjet e syve, tundjet e kokës dhe komentet "C'mon, njeri". Ai kurrë nuk e humbi durimin, por ai e bëri të qartë se sa pak mendon për Trump.

Shembulli i parë erdhi rreth 18 minuta pas fillimit të në debatit, kur Biden iu përgjigj një serie ndërprerjesh të Trump duke thënë: "A do pushosh?!"

"Ju jeni presidenti më i keq që Amerika ka pasur ndonjëherë”.

"Është e vështirë të marrësh fjalën me këtë klloun", tha ai më vonë.

Dhe në fund të një pjese të përqendruar në garë, Biden tha troç, "Ai është racist”.

Çështjet familjare

U deshën rreth 45 minuta që Trump të ngrinte një çështje që këshilltarët e tij thanë se mezi po priste për ta ngritur: Hunter Biden.

Trump dhe aleatët e tij kanë bërë në mënyrë të përsëritur pretendime të pabazuara dhe të rreme për të pretenduar se ish-nënkryetari dhe djali i tij kanë vepruar korruptivisht në Ukrainë.

Kjio është një çështje për të cilën republikanët besuan se për një moment do të dominonte fushatën e këtij viti, megjithëse nuk ka arritur të zërë vend për shkak të pandemisë globale, dhunës urbane dhe një rënies ekonomike.

Disa demokratë kishin menduar se si do të përgjigjej Biden kur të flitej për këtë tema. Disa kishin frikë se ai do të humbte qetësinë e tij, të ndjeshme ndaj çështjeve të familjes.

Në vend të kësaj, Biden duketji përgatitur dhe foli drejtpërdrejt në kamera ndërsa kërkoi të kundërshtojë  pretendimet e Trump se djali i tij ishte përfshirë në keqbërje kur ai shërbeu në bordin e një kompanie energjetike ukrainase.

"Kjo nuk ka të bëjë me familjen time ose familjen e tij, kjo ka të bëjë me familjen tuaj, popullin amerikan," tha Biden.

"Ai nuk dëshiron të flasë për ato që ju nevojiten".

I paepur, Trump vazhdoi t'i kthehej çështjes. Ndërsa Biden u përpoq të kritikonte presidentin duke përmendur dhe se djali i tij i ndjerë Beau, shërbeu atje para se t’i nënshtrohej kancerit të trurit në 2015.

Në vend që të kundërshtonte pretendimet për pikëpamjet e tij për ushtrinë, Trump u përpoq t'a fokusonte debatin  në cështjen Hunter-Biden.

"Unë nuk e njoh Beau Biden", ironizoi Trump.

Ndërsa Trump nisi një sulm ndaj Hunter dhe  Biden, duke përfshirë ngritjen e çështjeve të tij të së kaluarës me varësinë nga droga, por Biden u kthye përsëri te kamera dhe adresoi çështjen, edhe kur Trump po kërkonte ta ndërpriste.

"Djali im kishte një problem me drogën, por ai e ka kapërcyer atë dhe unë jam krenar për të," tha Biden. Ky momenti personal ishte i fuqishëm dhe mund të krijonte një lidhje midis Biden dhe miliona amerikanëve, familjet e të cilëve janë përballur me varësinë nga droga dhe alkooli.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm