Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A duhet kritikuar Arbana Osmani për historitë e "Dua të të bëj të lumtur"?

Politiko 28 Janar 2019, 16:03
A duhet kritikuar Arbana Osmani për historitë e "Dua të

Arbana Osmani, një nga figurat e para të Top Channel. E preferuara e Tanit të Topit, i cili që kur themeloi  "Top Albania Radion", e përzgjodhi Arbanën ndër qindra të tjerë që aplikonin për të qenë zëri në radion që sot është më e madhja në Shqipëri.

Më vonë, Tan Hoxha, i besoi Arbanës emisione me shumë peshë dhe talenti e pasioni i saj për moderimin bëri që të kthehet në një nga moderatoret më të dashura për publikun. Për të gjitha moshat dhe kategoritë.

Prej tre vitesh, Arbana vjen çdo vit për publikun shqiptarë me emisionin "Dua të të bëj të lumtur". Ky sezon ka rezultuar një "dhimbje koke" për atë dhe gjithë stafin. Kjo e thënë nga ne dhe jo nga Arbana. Ajo nuk ka bërë ende asnjë reagim zyrtar sa i takon kritikave nga audienca dhe paralajmërimeve nga AMA.

Që në puntatën e parë të këtij emisioni, nisën problemet për Arbanën dhe emisionin që ajo drejton. Mënyra e trajtimit të historisë personale të një gruaje, viktimë e dhunës në familje, ushtruar nga bashkëshorti i saj, u cilësua si rast abuzimi dhe nxiti një valë të re komentesh të cilat paragjykojnë gratë e dhunuara, duke justifikuar dhunën ndaj  tyre. Kjo ka  bërë që  të reagojnë disa organizata të cilat punojnë për mbrojtjen dhe promovimin e të drejtave të njeriut.

Pas kësaj,  Autoriteti i Medias Audiovizive (AMA) tërhoqi vërejtje ndaj Top Channel.

“Ama vendosi sanksionin “Tërheqje vëmendje” ndaj subjektit tuaj audiovizv. në rast përsëritje të shkeljes, do të fillojë procedimin sipas kërkesave të parashikuara ligjore”, thuhej në letrën dërgua televizionit kombëtar, firmosur nga kreu i AMA-s Gentian Sala.

Fill pas kësaj, në media doli lajmi se Arbana dhe bashkëshorti i saj janë ndarë pas 16 vitesh bashkë. Kjo solli një "valë" komentesh në rrjetet sociale, ku komentet më të shpeshta ishin të tipit "si mund të bëjë të lumtur shqiptarët Arbana kur ka probleme vetë në familje."

Po ashtu, rasti i Sanos që kërkonte vajzën e saj, Mirën, me të cilën kishte 10 vite që nuk fliste. Mira nga ana e saj, prej vitesh kishte shkëputur çdo marrëdhënie me të ëmën dhe nuk dëshironte të kishte më kontakte me të. Por pavarësisht kësaj, në emision u përmendën emra dhe mbiemra dhe kjo bëri që e bija e Mirës të bënte një letër të nesërmen ku i kërkonte llogari Arbanës për shkak se i kishte kthyer të ëmës plagë të vjetra.

E ndërsa në puntatën e radhës, të shtunën që lamë pas, Arbana u kritikua sërish. Historia e Arditit që ishte dashuruar me një vajzë korçare në Instagram, u kritikua shumë nga ndjekësit e këtij emisioni.

“Turp për emisionin tuaj që prezantoni në mënyre te tille live ne tv nje budalla qe do nuse me njehere te folur ne instragram shume turp” ,ishte një nga komentet e shumta për trajtimin e këtij rasti.

Një nga emisionet më të ndjekura shqiptare, është kthyer në një nga programet më të kritikuara. Çdo javë, "Dua të të bëj të lumtur" është e shenjëstruar për mënyrën se si po trajton historitë.

Arbana nuk ka bërë asnjë reagim por duket se për të çliruar gjithë këtë stres, ka vendosur të argëtohet me shoqërinë dhe madje si rrallë herë, ka postuar dhe video duke kënduar dhe duke kërcyer.

E gjithë situata në të cilën ndodhet Arbana, me siguri i ka shtuar asaj presionin dhe gjërat i kanë dalë jashtë kontrollit, por  disa komentues të tjerë shprehen se kurrsesi nuk mund të përfshijmë jetën e saj private duke e lidhur me emisionin.

"Nuk është kusht i domosdoshëm që familja jote duhet të jetë perfekte për të lumturuar të tjerët. Ça janë këto që thoni," thotë një tjetër komentues, që del në mbrojtje të Arbanës.

Por a është plotësisht fajtore Arbana në çdo gjë që po ndodh me "Dua të të bëj të lumtur"? Mos të harrojmë se bëhen shumë përgatitje për këtë emision, jo çdo gjë është aq spontane, prandaj dhe të ftuarit janë pak a shumë në dijeni çfarë i pret.

Prandaj, pranimi ose refuzimi për të qenë në emision është në dorën tuaj dhe jo të Arbanës. Asnjë nuk "merret" kundrejt dëshirës në këtë emision.

Të fundit