Akuzat për korrupsion, çekët ngrihen në protesta masive për largimin e kryeministrit

Mijëra qytetarë protestuan të martën në Pragë, duke kërkuar largimin e kryeministrit Andrej Babis, i cili akuzohet për mashtrim me subvencionet e Bashkimit Europian.

Organizatorët e protestës deklaruan se rreth 120 mijë persona ishin pjesë e protestës në Sheshin e Vjenës në Pragë, duke kërkuar dorëheqjen e shefit të qeverisë.

Andrej Babis, i cili erdhi në pushtet në 2017-ën, është personi i dytë më i pasur në Republikën e Çekisë.

Në prill, kryeministri Babis akuzohet për lidhje me një konglomerat industrial që merr subvencione të buta nga BE, akuza që kryeministri i ka hedhur vazhdimisht poshtë.

Pasi policia rekomandoi në prill që ai të përballej me akuzat për mashtrim penal lidhur me keqpërdorimin e supozuar të fondeve të BE, ai u përgjigj me shkarkimin e ministrit të drejtësisë në qeverinë e tij të koalicionit.

Qytetarët njoftuan një protestë masive më 23 qershor nëse kërkesat e tyre nuk janë plotësuar.

Tubimi ishte një nga demonstratat më të mëdha politike që nga rënia e komunizmit në vitin 1989.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm