Arba Kokalari merr një tjetër post të rëndësishëm, zgjidhet zv.presidente e Parlamentit Europian  

Arba Kokalari, shqiptarja e parë që arriti të hynte në PE, ka marrë një tjetër post të rëndësishëm.

Ajo është emëruar zëvendës-presidente e Parlamentit Europian për Barazi Gjinore, si raportuese kryesore për parandalimin e Dhunës ndaj Grave, brenda Parlamentit Europian për grupin më të madh parlamentar të Partive Popullore.

“Jam emëruar zëvendës-presidente e Parlamentit Europian për PPE, i cili është anëtari më i madh i Parlamentit Europian. Në komision, unë do të jem raportuese përgjegjës dhe do të jem në krye të udhëheqjes së BE-së për, Stambollin, një mbrojtje për ndalimin e dhunës ndaj grave.

Dhuna ndaj grave është një problem serioz që kërkon veprim të fuqishëm. Suedia tashmë ka nënshkruar konventën. Tani është koha për të gjithë BE ta realizojë atë”, shkruan Arba përmes rrjeteve sociale.

32-vjeçarja Kokalari, nën programin e partisë “Moderata” arriti të hynte në PE, duke u bërë e para shqiptare që ulet në këtë parlament. Ajo është mbesa e Musine Kokalarit, veprimtares politike të shekullit të 19-të në Shqipëri.

Arba jeton prej vitesh në Stokholm dhe atje ka mbajtur postin e sekretares ndërkombëtare të grupimit rinor të Partisë së Moderuar.

Kokalari ka kandiduar edhe në zgjedhjet e kaluara të PE, por këtë herë ajo arriti të sigurojë fitoren.