Kreu i Grupit të Partisë Socialiste, Taulant Balla në një dalje për mediat është ndalur te raporti i Komisionit të Venecias lidhur me shkarkimin e Metës. Duke komentuar këtë raport, socialisti theksoi se organi i Venecias është i një rëndësie të madhe ndaj ‘të gjithë duhet të heshtin para tij’.
Kështu ‘thumboi’ edhe presidentin Meta, pa i përmendur emrin, por duke shprehur se ai që u zotua për dorëheqje ta mbajë fjalën.
“Komisioni i Venecias është organi ekspertiza e gjithëpranuar në Europë, por edhe më gjerë. Kur Komisioni i Venecias flet të gjithë të tjerët duhet të heshtin.
Të gjithë duhet ta presim me respekt verdiktin final të Komisionit të Venecias, kush u zotua për dorëheqje, duhet të mbajë fjalën”, tha Balla.
Financuar Nga Bashkimi Europian
