Bebe Rexha tregon arsyen e postimit të fotos së zhveshur në Instagram dhe kritikat e babait

Në 33-vjetorin e lindjes së saj, Bebe Rexha tërhoqi vëmendje me postimin e fotos pothuajse e zhveshur. Këngëtarja shihej me këmbë të hapura teksa lyente buzët dhe fotoja shkaktoi shumë reagime.

Por mesa duket, këngëtarja nuk paska pasur këtë qëllim.

Në një intervistë për “E! News” këngëtarja ka treguar se as që e kishte menduar atë gjë dhe se fotoja është shkrepur nga parukjerja e saj gjatë kohës që ajo po bëhej gati për një koncert:

 “Ju betohem se nuk e kisha planifikuar atë gjë. Kur e pash foton mendova: ‘Wow, dukem shumë seksi dhe nuk e di nëse do të dukem sërish kështu dhe ndihem mirë për veten time. Kështu që do ta postoj.”

Bebe tregoi se babai e ka kritikuar për atë foto:

 “Tashmë jam një grua e rritur plotësisht. Babai im sapo e pa tha: ‘Oh Zot. Të lutem fshije foton menjëherë’. Ndërsa unë ju përgjigja: ‘Jo. Nuk ka për të ndodhur’”,