Bëni gati çadrat, rikthehen shirat dhe ulen temperaturat

Pas ditëve më diell dhe temperaturave mbi normalen e kësaj periudhe, rikthehen vranësirat dhe ditët me shi.

Sipas meteoalb, vranësirat rikthehen në fundjavë dhe do të shoqërohen me reshje shiu. Po ashtu, ndryshimi i motit do të shoqërohet edhe me uljen e temperaturave.

“Moti mbetet me kthjellime dhe vranësira të lehta e kalimtare deri të shtunën kur pritet shtim i vranësirave në territor. Vranësirat do të fuqizohen gjatë së dielës dhe së hënës kur priten shira në të gjithë vendin.

Temperaturat e ajrit vijojnë pa luhatje të ndjeshme gjatë gjithë javës; ku minimumet variojnë nga 6°C mëngjeset në zonat malore deri 14 – 16°C në zonat e ultësirës ndërsa vlerat e mesditës, do të variojnë nga 20°C në Juglindje deri në 27 – 28°C vlerat maksimale në Jugperëndim të vendit. Mesdita e së dielës sjell një rënie të theksuar të vlerave termike; kryesisht gjatë mesditës duke ulur maksimumet në vlerat 15 – 18°C në zonat malore dhe deri 23°C në zonat e ultësirës (vlera tipike të stinës së vjeshtës)”, sqaron meteoalb.