Bjellorusia vijon futbollin, Bakaj protagonist në fitoren e skuadrës

Elis Bakaj sot ishte protagonist në fitoren e Dinamos së Brestit në Bjellorusi, aty ku vijon futbolli sikur të mos kishte askund koronavirus. Ndryshe nga shumica e vendeve të botës, ku njerëzit qëndrojnë në karantinë, në shtetin lindor të Europës sillen sikur gjendja është normale.

Sulmuesi shqiptar asistoi golin e vetëm të skuadrës kampiones në fuqi, e cila fitoi minimalisht 1-0 në fushën e Sluckut. Në stadium nuk kishte shumë tifozë, por ishin mjaftueshëm që - nëse njëri prej tyre është i infektuar - mund t'ua transmetonte virusin të tjerëve.

Ekipi i Bakajt aktualisht është në vendin e katërt me 4 pikë, dy më pak se kreu. Deri tani në Bjellorusi nuk ka asnjë viktimë nga koronavirusi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm