Kryeministri Edi Rama dhe ministrja e Infrastrukturës Belinda Balluku e paraqitën bllokimin 550 tonëve naftë në “rafinerinë Ballshit” si një goditje të madhe ndaj informalitetit, ku nuk do të kursehet asnjë kompani. E megjithatë, të dy nuk e përmendën se cilës kompani i përkiste produkti.
Birn shkruan se Rafineria e Ballshit menaxhohet aktualisht nga një kompani e quajtur Tosk Energji, nën pronësi të një kompanie tjetër të regjistruar në Zvicër, pronarët e së cilës nuk janë të njohur për publikun.
Për më tepër që sipas kësaj kompanie, kontrolli nga Inspektorati Shtetëror Teknik dhe Industrial ishte kryer pikërisht me kërkesë të “Tosk Energji”.
Blerim Hoxha nga Tosk Energji e uli rëndësinë e bllokimit të kryer nga kryeministri dhe ministrja Balluku, duke e quajtur atë “procedurë të zakonshme kontrolli”.
“Ne duam të qartësojmë se inspektimi i kryer sot në rafinerinë e Ballshit është pjesë e procedurës sonë të përditshme të kontrollit të cilësisë dhe është kryer me kërkesën tonë. Në rastet se produkti nuk plotëson parametrat e kërkuar, ai kthehet sërish për rafinim të mëtejshëm” tha Hoxha përmes një email-i i kontaktuar nga Birn .
“Për hatër të qartësisë, produkti i analizuar nuk ka qenë subjekt i tregtisë dhe natyrisht nuk është deri në certifikimin final,” sqaroi kompania, duke kundërshtuar pretendimet se produkti sith gati që të dilte në treg.
Toks Energji qartësoi se nafta diezel e shitur nga kjo kompani “plotëson standardet Europiane”.
Ministrja e Infrastrukturës Belinda Balluku e quajti aksionin “rast shembull”.
“…jemi çdo ditë duke punuar dhe duke analizuar të gjithë cilësinë në treg, duke krijuar edhe raste shembuj për të qenë të gjithë të qartë që nga kjo luftë kundër informalitetit nuk do të shpëtojë asnjë subjekt”, deklaroi Balluku sipas njoftimit për shtyp.
Edhe kryeministri Edi Rama theksoi karakterin e pazakontë të operacionit si dhe shënjestrimin e një kompanie që në opinionin publik konsiderohet si mbi ligjin.
“Lufta kundër Informalitetit nuk do të ndalet asnjë orë dhe para asnjë subjekti, duke filluar çdo ditë me të mëdhenjtë në radhë të parë!”, deklaroi Rama në faqen e tij në Facebook.
Discussion about this post