Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Bota

Mbyllja e USAID, Rusia përshëndet vendimin e administratës amerikane

Politiko 6 Shkurt 2025, 21:38

Mbyllja e USAID, Rusia përshëndet vendimin e administratës

Rusia ka shprehur kënaqësinë për mbylljen e Agjencisë Amerikane për Zhvillim Ndërkombëtar (USAID), duke e cilësuar atë si një mekanizëm ndërhyrjeje në punët e shteteve të tjera.

Zëdhënësja e Ministrisë së Jashtme ruse, Maria Zakharova, tha se ky vendim konfirmon akuzat e Moskës ndaj USAID-it, të cilin e ka dëbuar nga territori i saj që prej vitit 2012.

USAID, e cila operonte me një buxhet mbi 40 miliardë dollarë për ndihmë humanitare dhe zhvillimore, tashmë është vënë nën përgjegjësinë e Sekretarit të Shtetit të SHBA, Marco Rubio.

Rusia e dëboi USAID-in nga territori i saj në vitin 2012, duke e akuzuar atë për financimin e protestave të opozitës kundër Kremlinit dhe ndërhyrjen në zgjedhje.

Ajo gjithashtu e akuzon atë për mbështetjen e lëvizjeve anti-qeveritare në shtetet fqinje, kryesisht në Ukrainë dhe Gjeorgji, me qëllim që të shkaktojë rënien e autoriteteve qeveritare dhe ardhjen në pushtet të individëve më miqësorë me Uashingtonin dhe më armiqësor ndaj Rusisë.

“Është një makinë për ndërhyrje në punët e brendshme, një mekanizëm për ndryshimin e regjimeve, rendit politik, strukturën e shtetit,” tha Zakharova.

Agjencia amerikane njoftoi të mërkurën se i gjithë personeli i saj (përfshirë ata jashtë vendit) do të vendoset në leje administrative duke filluar nga e premtja.

Pas kësaj, agjencia amerikane u vu nën përgjegjësinë e Sekretarit të Shtetit të SHBA, Marco Rubio.

USAID u krijua në vitin 1961 me një akt të Kongresit Amerikan. Ajo menaxhon një buxhet prej mbi 40 miliardë dollarësh, të destinuar për ndihmë humanitare dhe ndihmë zhvillimore në mbarë botën. Ajo punëson afërsisht 10,000 njerëz, dy të tretat e të cilëve shërbejnë jashtë vendit.

Të fundit