Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rebelët sirianë djegin varrin e babait të Bashar al-Asad

Politiko 11 Dhjetor 2024, 20:49

Rebelët sirianë djegin varrin e babait të Bashar al-Asad

Luftëtarët rebelë sirianë kanë shkatërruar varrin e presidentit të ndjerë Hafez al-Assad, babait të presidentit të rrëzuar Bashar, në qytetin e lindjes së familjes.

Videot e verifikuara nga BBC treguan burra të armatosur duke brohoritur ndërsa ecnin rreth mauzoleumit të djegur në Qardaha, në veri-perëndim të rajonit bregdetar të Latakisë.

Rebelët e udhëhequr nga grupi islamik Hayat Tahrir al-Sham (HTS) përfshiu Sirinë në një ofensivë të rrufeshme që rrëzoi sundimin 54-vjeçar të dinastisë Assad. Bashar al-Assad ka ikur në Rusi, ku ai dhe familja e tij kanë marrë azil.

Hafez al-Assad sundoi pamëshirshëm Sirinë nga viti 1971 deri në vdekjen e tij në vitin 2000, kur pushteti iu dorëzua djalit të tij, Bashar.

Sekretari amerikan i shtetit ndërkohë tha se Uashingtoni do të njohë dhe mbështesë plotësisht një qeveri të ardhshme siriane për sa kohë që ajo të dalë nga një proces i besueshëm dhe gjithëpërfshirës që respekton pakicat.

HTS ka emëruar një qeveri kalimtare të udhëhequr nga Mohammed al-Bashir, ish-kreu i administratës rebele në veri-perëndim, deri në mars 2025.

Bashir kryesoi një takim në Damask të martën ku morën pjesë anëtarë të qeverisë së tij të re dhe ata të ish-kabinetit të Asadit për të diskutuar transferimin e portofoleve dhe institucioneve.

Ai ka thënë se është koha që njerëzit të "gëzojnë stabilitetin dhe qetësinë" pas përfundimit të regjimit të Asadit.

Të fundit