Të paktën 78 persona, 24 prej të cilëve fëmijë, janë helmuar një ditë më parë në Bulqizë.
Ata janë paraqitur në spital me të vjella dhe dhimbje barku, ndërkohë që drejtori i spitalit thotë se helmimi mund të ketë ardhur nga uji i pishëm.
Doktori Hazis Jella, thekson se s’mund të thotë më shumë për shkakun e helmimit, pasi janë ende në pritje të analizave, por paraprakisht dyshohet se situata mund të jetë shkaktuar nga uji i pijshëm.
“Shkalla e helmimit, shkon nga e lehtë deri te ajo mesatare. Pacientët janë kryesisht nga lagjja e vjetër e qytetit. Do të duhet të presim përgjigjen e analizave për të përcaktuar shkakun e këtij helmimi”, ka thënë ai.
Rasti i helmimeve u raportua dje, ku dhjetëra persona u paraqitën në spitalin e qytetit që prej mbrëmjes së të enjtes. Të paktën 20 persona u diagnostikuan me simptoma të rënda.
