Çekët të zhgënjyer nga klasa politike, votojnë miliarderin Andrej Babis, i cilësuar si “Trumpi çek”

Czech billionaire Andrej Babis (L), chairman of the ANO movement (YES) and his wife Monika smile at ANO headquarter after Czech elections on October 21, 2017 in Prague. The party of billionaire populist Andrej Babis, The "Czech Trump", took an early lead in the Czech Republic's general election followed by a far-right anti-EU party, partial results showed. / AFP PHOTO / MICHAL CIZEK (Photo credit should read MICHAL CIZEK/AFP/Getty Images)

Duke përfituar nga zëmërimi i çekëve kundrejt klasës politike dhe urdhrave të Brukselit, lëvizja populiste ANO e miliarderit Andrej Babis, i cilësuar si “Trumpi çek”, fitoi ndjeshëm zgjedhjet legjislative. Fakt tjetër i rëndësishëm i këtyre zgjedhejve që u zhvilluan pa asnjë incident të premten dhe të shtunën ishte edhe një rritje spektakolare e ekstremit të djathtë SPD, parti kundër BE-së dhe imigracionit si dhe rritja e një tjetër formacioni anti sistem, Partia Pirate, sipas rezultateve zyrtare gati përfundimtare pas numërimit të 99,7 për qind të votave.

ANO (që në gjuhën çeke do të thotë “Po”), që bëri fushatë për luftën kundër korrupsionit, kundër pritjes së migrantëve dhe zonës euro, ka marrë 29,7 për qind të votave, që i jep 78 nga 200 vende në Dhomën e Ulët të Parlamentit.

Babis me këtë rezultat është i detyruar të formojë një koalicion, një operacion delikat në një dhomë të ndarë në nëntë parti.

Dy prej tyre, ODS-ja (e djathta euroskeptike) dhe KDU-CSL (kristiandemokratët) kanë njoftuar menjëherë se nuk do të negociojnë me Babis.

ANO ndiqet nga tre parti që kanë marrë gati rezultate identike, ODS-ja (e djathtë) 11,3 për qind, Partia Pirate 10,8 për qind dhe SPD-ja (ekstremi i djathtë) 10,7 për qind.