Flash News

Akuzohet për vr*sje për arsye gjakmarrjeje, arrestohet në Angli 48-vjeçari

SPAK kontrolle në bizneset dhe banesat e Ergys Agasit, sekuestron dy automjete

Anëtarë të organizatave kriminale/ Ekstradohen nga Dubai 3 ushtarët e Talo Çelës

Berisha paralajmëron fakte të reja për farsën elektorale: Mos harroni se nuk ka filluar të flasë akoma laptopi

Berisha mbledh nesër drejtuesit politik

KRYESORE

Çfarë thonë në të vërtetë Dëshmitarët e Jehovait për vdekjen dhe ringjalljen

Politiko 3 Korrik 2020, 14:34

Një ditë më parë, nisur nga ngjarja tronditëse në Tiranë, ku nënë e bijë thuhet se u vetëflijuan, nëpër media u raportua se ishin besimtare të Jehovait dhe besonin te ringjallja. Përmendja e besimit fetar dhe lidhja e tij, në mënyrë të drejtpërdrejtë ose tërthorazi me vetëvrasjen, është shqetësues sepse në dogmën e tyre, Dëshmitarët e Jehovait nuk predikojnë vdekjen.

Informacion i përgjithshëm: Dëshmitarët e Jehovait i përkasin fesë së krishterë, por preferojnë të përdorin përkthimin e tyre të Biblës. Njihen për predikimin derë me derë, refuzojnë shërbimin ushtarak dhe transfuzionin e gjakut. Po kështu hedhin poshtë idenë e Trinisë së Shenjtë dhe nuk festojnë Krishtlindjen, Pashkën, ditëlindje dhe festa të ngjashme. Dëshmitarët e Jehovait besojnë se Zoti është Krijuesi dhe Qenia Supreme. Ata e shohin Perëndinë si Atin, diçka e padukshme dhe e ndarë nga I Biri, Jezu Krishti. Dëshmitarët e Jehovait besojnë se Perëndia duhet të dallohet me një emër të mëvetësishëm – Jehovah.

Si trajtohet vdekja: Dëshmitarët e Jehovait besojnë se kur njeriu vdes, qenia e tij pushon së ekzistuari. Kjo për shkak se Bibla e bën të qartë se qeniet njerëzore nuk kanë shpirt të pavdekshëm që mbijeton edhe kur trupi vdes. Të vdekurit nuk mund të mendojnë, të veprojnë ose të ndiejnë. “Të gjithë janë bërë nga pluhuri dhe në pluhur kthehen të gjithë” (Eklisiastiu 3: 19,20).

Ata janë të mendimit se Ferri nuk ekziston si vend për të torturuar mëkatarët pas vdekjes. Një besim të tillë e argumentojnë me idenë se është kundër natyrës së Zotit që të torturohen njerëzit.

Si trajtohet ringjallja: Sipas Dëshmitarëve të Jehovait, vdekja nuk është fundi i gjithçkaje. Njerëzit mund të mbahen mend nga Zoti dhe AI t’i ringjallë. Në jw.org thuhet:

1. Zoti është Krijuesi i jetës. Bibla e quan Perëndinë Jehova «burimi i jetës». (Psalmi 36:9; Veprat 17:24, 25). Ai që i dha jetë çdo krijese të gjallë, pa dyshim, ka aftësinë t’ia rikthejë jetën dikujt që ka vdekur.

2. Perëndia ka ringjallur njerëz në të kaluarën. Bibla raporton tetë raste të njerëzve —të rinj e të moshuar— që janë rikthyer në jetë në tokë. Disa kishin vdekur nga pak kohë, por njëri kishte kaluar katër ditë në varr. —Gjoni 11:39-44.

3. Perëndia mezi pret të ringjallë përsëri.

Po në të njëjtën faqe, në jw.org (website në shqip për Dëshmitarët e Jehovait) shkruhet se është e rëndësishme që njerëzit të besojnë të ringjallja, por në asnjë moment nuk predikohet vetëflijimi i dikujt me idenë “që do të ringjallet më vonë” përkundrazi vlerësohet jeta. "Jehovai e urren vdekjen; për Të vdekja është armik". Në faqen e tyre, Dëshmitarët e Jehovait kanë shumë artikuj të ngjashëm si ky: "Jo vetëvrasjes!—Tri arsye pse ia vlen të jetosh"./ Revista Anabel