KRYESORE

Diskutohet për grevë urie, naftëtarët sërish në protestë: Jemi në mes të katër rrugëve

Diskutohet për grevë urie, naftëtarët sërish në

Naftëtarët e Ballshit kanë dalë sërish në protestë para Rafinerisë së Naftës pasi nuk kanë gjetur zgjidhje nga ana e qeverisë.

Pas protestës së zhvilluar disa ditë më parë në Tiranë, para ministrisë së Energjisë dhe Infrastrukturës, naftëtarët kërkojnë nga organet qeverisëse të reflektojnë për plotësimin e kërkesave të tyre dhe fillimin e punës së rafinerisë.

Mësohet se nga Këshilli Sindikal po diksutohet që ditën e hënë punonjësit të hyjnë në greve urie pranë ambienteve të Kombinatit.

Kreu i sindikatës së naftetarëve të Ballshit, Sokol Dautaj, thotë se pavarësisht protestave të shumta deri tani nuk kanë gjetur zgjidhje.

"Jemi në mes të katër rrugëve. Shkuam në Tiranë për të biseduar dhe nuk na priti njeri. Do ndjekim çdo rruge ligjore pasi tani shoqatën e kemi të ligjëruar edhe në gjykatë. Nuk kemi asnjë përgjigje as për pagat dhe as për fillimin e punës", tha ai.

Kujtojmë se naftëtarët kërkojnë të marrin rreth 20 paga që nuk u janë dhënë.

Ditari politik

Të fundit