Bardhi nga protesta e opozitës: Bashkimi i sotëm na jep kurajë për t’u bërë forcë udhëheqëse e vendit

Kreu i Grupit Parlamentar i PD, Gazment Bardhi deklaroi nga protesta e opozitës sot para kryeministrisë se PD ka kaluar momente shumë të vështira, por sot ka me vete pasurinë më të madhe, kurajën e shqiptarëve.

Ai tha se sot shqiptarët janë bërë bashkë si e vetmja rrugë për tu përballur me të keqen, që sipas tij është kryeministri Edi Rama.

Ai shton se ky i fundit në këto 10 vite po shkatërron të ardhmen e vendit dhe përdori metoda antidemokratike për të qëndruar në pushtet.

Bardhi: Ne jemi sot për të thënë se nuk dorëzohemi. Duam të ndërtojmë një shtet që nuk shkel të drejtat tuaja. Duam qeveri që punon për të pasuruar qytetarët, jo pushtetarët, jo të lodhur kokë e këmbë me oligarkët që kanë zhdukur sipërmarrjen e ndershme.

Sot jemi në opozita, kemi kaluar momente të vështira por sot kemi me vete pasurinë më të madhe një forcë politike, kurajën, dinjitetin e vullnetin tuaj për të fituar.

Ju jeni pasuria më e madhe që ka vendi, që nuk i dorëzoheni që frymëzoni qindra mijëra shqiptarë të tjerë.

Ata që nuk janë këtu, ju shohin e duan të jenë si ju. Jam krenar që ja dolëm bashkë për të bërë më të mirën për vendin. Sot jemi bashkë si e vetmja rrugë për tu përballur me të keqen. Në këto 10 vite se keqja e vendi ka emrin e Edi Ramës që po shkatërron të ardhmen e vendit, përtej fasadës janë dy botë të ndryshme të destinuara të qëndrojnë përballë njëra tjetrës. Njëra bota juaj që duan ndryshimin , përballë nesh qëndron Rama që mbjell korrupsion, krim, shpopullim.

Në këto 10 vite Rama përdori metoda antidemokratik për të qëndruar në pushtet. Ne nuk kemi frikë e dimë të përballemi, ne nuk dorëzohemi edhe pse jemi në një luftë të pabarabartë.

1 e 4 e shqiptarëve jeton në varfëri. Në një dekadë vendi u kthyer në parcelë që pasuron pak njerëz të lidhur me pushtetin. Po jetojmë në kaos pa perspektivë, kullat janë tregues të pastrimit të parave, aferat e inceneratorëve na tregojnë se sa e korruptuar është kjo qeveri.

Me korrupsionin e tyre zhbëjnë ëndrrën e mirëqenies së cdo familje që jeton me punë të ndershme. Prania juaj sot është mesazhi më i mirë por cdo shqiptar. Ne reagojmë, refuzojmë të bëhemi fasadë, ndaj reagimi juaj sot është shpresa se gjërat mund të ndryshojnë. Vetëm PD e opozita e bashkuar është përgjigja për aspiratat e shqiptarëve të ndershme. Bashkimi ynë i sotëm na jep kurajë për tu bërë forcë udhëheqëse e vendit.

Me ju ne do tja dalim bashkë, do trokasim në cdo derë e zemër shqiptari për ti shpjeguar se ka rrugëdalje nga gjendja ku ndodhet vendi. Jemi ndryshe nga Rama, Veliaj, Ahmetaj.