Flash News

U lirua me kusht, Salianji paraqitet te Shërbimi i Provës

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Ditari i Opozitës

Basha me kryetarin e komunës së Dibrës së Madhe: Prioritet është përfundimi i Rrugës së Arbërit, folëm për projekte të përbashkëta

Politiko 25 Nëntor 2020, 19:33

Basha me kryetarin e komunës së Dibrës së Madhe: Prioritet

Kryedemokrati Lulzim Basha priti pasditen e sotme kryetarin e komunës së Dibrës së Madhe në Maqedoninë e Veriut, Hekuran Dukën. Në një komunikim për mediet pas takimit Basha tha se prioritet është përfundimi i Rrugës së Arbërit për të afruar fizikisht Tiranën me Dibrën e Madhe.

Kreu i Partisë Demokratike shtoi se pjesë e diskutimeve ishte dhe avancimi projekteve që sigurojnë punësimin, zhvillim edhe në trevën e Dibrës së Madhe.

"Kam kënaqësinë e madhe t’i uroj mirëseardhjen Hekuran Dukës, kryetarit të Komunës së Dibrës së Madhe. Diskutuam për thellimin e bashkëpunimit mes Dibrës së Madhe dhe Tiranës. Prioritet përfundimi i Rrugës së Arbërit dhe thellimi i zhvillimit ekonomik që sjell edhe afrimin fizik.

Edhe për projekte të përbashkëta, ku theksova vendosmërinë që në këto kohë të vështira për shkak të pandemisë t’i kalojmë me solidaritet.

Të avancojmë të gjitha projetket që sigurojnë punësimin, zhvillim edhe në trevën e Dibrës së Madhe", tha Basha.

Ndërkohë kryetari i komunës së Dibrës së Madhe Hekuran Duka deklaroi se pret nga të gjithë faktorët politikë shqiptarë t’i kthehen kësaj trevës së Dibrës së Madhe, ndërsa shtoi se rrugën e Arbërit e sheh si shpresë të madhe.

"E konsideroj takim me vëllezërit dhe motrat shqiptare. Jemi të interesuar që politika shqiptare të jetë më aktive në vendosjen e bashkëpunimit kombëtar e ekonomik. Projektet që i përmendi kryetari janë vitale për ngjalljen e Dibrës së Madhe. Është një zonë e verbër, s’ka zhvillim të duhur ekonomik megjithëse kontributi historik është i theksuar dhe evidente. Presim nga të gjithë faktorët politikë shqiptarë t’i kthehen kësaj treve, dhe kjo ka filluar e mbaruar me rrugën e Arbërit që e shohim si shpresë të madhe.

Projektet e tjera që i përmendi kryetari duhen me intensitet më të madh, që të kemi integrimin brenda shqiptarëve. E falënderoj kreun e PD, Lulzim Bashën për mikpritjen. Do jemi në kontakt edhe me parti e faktorë të tjerë politik. Jemi të interesuar që politika shqiptare të mbajë frymën lart të patriotizmit, kombëtarizmit, ekonomisë e kulturës. Këto pengesa që i kemi politike që të vijmë deri tek itnegrimi mbarëshqiptar, dhe të bëhemi faktor i rëndësishëm", tha Duka.