Klevis Balliu rrëfen fëmijërinë mes kërcënimeve dhe politikës: Pasionin e mora nga shtëpia, jo nga babai

Deputeti i Partisë Demokratike, Klevis Balliu ka ndarë në podcastin “Elevate” me Floriana Garon historinë personale që e lidhi me politikën.

Ai ka rrëfyer se dëshira për t’u përfshirë në jetën politike ka qenë gjithmonë e tij, ndërsa babai, shkrimtari dhe botuesi Fahri Balliu sipas tij, nuk ka dashur ta ndikojë drejt kësaj rruge.

Balliu tregon se në familjen e tij politika ka qenë e pranishme çdo ditë, pasi në shtëpinë e tyre “hynin e dilnin politikanë”, ndërsa fëmijëria e tij u zhvillua në një klimë të tensionuar, veçanërisht gjatë viteve 1997–1998.

Ai kujtoi se familja ishte e ekspozuar ndaj rrezikut për shkak të denoncimeve të forta që bënte gazeta e drejtuar nga babai i tij, çka e detyroi atë të jetonte për një periudhë në Elbasan, ndërsa i ati qëndronte në Tiranë.

"Të jem i sinqertë, jo. Ai nuk ka dashur. Unë kam dashur gjithmonë.

Në shtëpinë time gjithë kohën hynin e dilnin politikanë, ishte e gjithë bota rrethuar në këtë çështje.

Isha rreth 9 vjeç në 97 -98 ndërkohë ne kishim një gazetë e cila denoncon shumë fort dhe me emër e mbiemër bandat e asaj kohë dhe në atë kohë ishte shumë e rrezikshme sa u detyruam të ndaheshim. Unë shkova e jetova në Elbasan, kurse babai rrinte në Tiranë.

Pra, rrezikshmëria e kësaj ishte gjithë kohës dhe normalisht si fëmijë fillon dhe e kupton që ka diçka ndryshe në familjen tënde. 
Ishte me momente sepse ishte kërcënimi shumë realistë dhe  kjo nuk ishte vetëm për familjen por një pjesë e mirë demokratëve të ekspozuar në atë kohë njerëz afër partisë demokratike e kishim këtë problem sepse ishte e gjithë banda e mafia që ishte kudo në atë kohë.

Në '98 pastaj kujtoj luftën e Kosovës dhe publikimi im i parë ka qenë në '99 te gazeta Bota sot dhe ka qenë një vjershë është shkurtër, ishte për Kosovën.

Ishte që në fillim interesi dhe qejfi për këtë pjesë të publikimit sepse babi ishte shkrimtar lexoheshin libra të babit dhe ishte gjithë kohës idea për qenë publik për të mbajtur një qëndrim dhe më pas në dy 2001-2002 rritesha e kuptoja se kush ishin personat që vinin në shtëpi", tha Balliu.

Ai kujtoi gjithashtu edhe kohën e luftës së Kosovës, duke treguar se botimi i tij i parë ka qenë në vitin 1999 në gazetën Bota Sot, ku publikoi një poezi për Kosovën. Ndikimin e parë ndaj dëshirës për të qenë figurë publike, Balliu e lidh me faktin se babai i tij ishte shkrimtar dhe në familje flitej vazhdimisht për çështje me interes publik.

Një nga momentet më të forta të fëmijërisë, sipas tij, ka qenë lidhja me Azem Hajdarin, i cili frekuentonte shpesh shtëpinë e tyre.

“Pas vrasjes së tij, e kuptova se diçka shumë e keqe i kishte ndodhur mikut të babit. Sa më shumë rritesha, aq më shumë e kuptoja rëndësinë e figurës së tij,” u shpreh Balliu.

I pyetur si lindi pasioni për politikën, ai tha se ishte rezultat i natyrshëm i ambientit ku u rrit, duke theksuar se ajo periudhë ishte e mbushur me ndjenjën e patriotizmit, ndryshe nga sot.

"Jam rritur në një shtëpi kur vetëm hynin dhe dilnin politikanë, diskutimet në familje ishin vetëm për politikën, ishin për mediat, për gazetën dhe sakrificat që bëheshin me denoncimet dhe ishte gjatë gjithë kohës flitej rreth çështjes se interesit kombëtar.

Në atë kohë flitet shumë për tezën që solli Sali Berisha, 'një komb, një qëndrim' në vitin 1988 në sheshin Skënderbe. Edhe në shoqëri ishte si frymë, të paktën në brezin tim, pra fryma e patriotizmit, kurse sot nuk është aq e fortë. 

Mbaj mend kur isha diku te 15 vjeç kur po diskutoheshin që të lëvizja jashtë vendit për studime dhe arsyeja sesi ma mbushnin mendjen mua që të shkoja jashtë ishte se po të shkoja jashtë, ka më shumë mundësinë për të bërë politikanë dhe e kanë pasur gjatë gjithë kohës", tha Balliu. 

Ndiq intervistën e plotë: