Krahasimi me 2017-tën, kush janë 13 ish-deputetët e PD-së që nuk rikandidojnë më 25 prill

Partia Demokrati në vitin 2017-të arriti të merrte një rezultat zhgënjyes me fitimin e 43 mandateve në total së bashku me katër aletatët e saj; Mediun, Shehin, Ndokën dhe Dulen të cilët i kishte pjesë e listës. Nëse bëjmë një krahasim mes deputetëve që morën mandatin në vitin 2017-të dhe listave të PD-së në vitin 2021, 13 prej tyre nuk rikandidojnë, ndërsa dy të tjerë kandidojnë me parti të tjera.

Arsyet e mosrikandidimit janë për shkak të skualifikimit nga baza siç janë rastet e Klevis Balliut dhe Hekuran Hoxhallit, disa të tjerë për shkak të skualifikimit nga Komisioni i Vlerësimit të Kandidaturave, disa për shkak të tërheqjes nga politika dhe disa se i la jashtë kreu i PD-së, Lulzim Basha.

Deputetët që morën mandatin me PD-në në vitin 2017 dhe që nuk rikandidojnë në zgjedhjet e 25 prillit janë:

·         Eduard Halimi  

·         Xhemal Gjunkshi

·         Fatbardha Kadiu

·         Florjon Mima

·         Endri Hasa

·         Genc Pollo

·         Halim Kosova

·         Valentina Duka

·         Hekuran Hoxhalli

·         Klevis Balliu

·         Andon Frrokaj

·         Romeo Gurakuqi

·         Lorenc Luka

Ndërsa dy deputetët që morën mandatin me PD-në në vitin 2017 dhe që në këto zgjedhje garojnë me parti të tjera janë: Myslim Murrizi dhe Rudina Hajdarit, të cilët nuk pranuan të digjnin mandatin e deputetit.

Përveç emrave që përmendëm më sipër ka dhe emra të tjerë, jo që nuk janë pjesë e listës, por që janë renditur në atë që konsiderohet si “zonë e ftohtë” dhe nuk e kanë të sigurt marrjen e mandatit të deputeit.