Flash News

Korçë/ Rrihet një punonjës karburanti gjatë natës

Ditari i Opozitës

Vdekja e 43-vjeçarit, kryetari i PD Pogradec: Të shkarkohet dhe të ndiqet penalisht shefi i komisariatit

Politiko 12 Gusht 2024, 13:04

Vdekja e 43-vjeçarit, kryetari i PD Pogradec: Të shkarkohet dhe

Kryetari i degës së PD në Pogradec, Gentian Çela bëri thirrje që të shkarkohet dhe të ndiqet penalisht shefi i komisariatit, Elton Halili për fshehjen e ngjarjes së rëndë, ku Egli Proga humbi jetën pas dhunës barbare nga Denis Meçe, nipi i një funksionari të lartë socialist në Pogradec.

Çela shprehet se policia e narkoshtetit është e nënshtruar nga dora e krimit të veshur me pushtet, që merr jetë njerëzish të pafajshëm.

Deklarata:

Pogradeci është tronditur nga vrasja e një 42 vjeçari, babai i dy fëmijëve të vegjël.

I ndjeri Egli Proga ndërroi jetë pas dhunës barbare të shkaktuar nga Denis Meçe, familjar i një drejtuesi të Partisë Socialiste, i njohur për bëmat në korrupsion dhe përfitues tenderash në Bashkinë e Pogradecit.

Deklarata e parë e dalë nga Komisariati i Policisë në Pogradec, fshihte vrasjen e ndodhur në zonën më të populluar të qytetit duke e raportuar si vdekje natyrale.

Falë reagimit, presionit qytetar dhe dëshmitarëve okularë,  ngjarja u raportua dhe autori u ndalua.

Partia Demokratike, se pari i shpreh ngushëllimet më të sinqerta familjes se të vrarit.

Në emër të qytetarëve të Pogradecit ne kërkojmë shkarkimin e menjëhershëm të drejtuesit të komisariatit Elton Halili, ndjekjen penale të tij për fshehje të krimit. Institucioni i cili duhet të parandalojë dhe zbulojë veprat penale, nuk mund t’i mbulojë ato për qëllime politike.

Jeta e qytetarëve është më e shtrenjte se interesi i partisë.

Policia e narkoshtetit është sot qartësisht e nënshtruar nga dora e krimit të veshur me pushtet, që merr jetë njerëzish të pafajshëm.

Pogradeci ka nevojë për siguri dhe një polici që mbron qytetarët nga krimi edhe kur kryhet nga njerëzit e pushtetit.

Pogradeci ka nevojë për qetësi, pa banda të mbështetura dhe promovuara që nga kreu i qeverisë prej 3 mandatesh dhe deri të patronazhisti lokal.

Mandatet e qeverisë së Edi Ramës janë kthyer në mandata për njerëzit e thjeshtë dhe leje për të vrarë për njerëzit e pushtetit.

Të fundit