Flash News

Nga Foltorja te listat: PD, u hap apo u mbyll?

Zbardhet emrat e propozur nga diaspora për listat e kandidatëve për deputetë të Partisë Socialiste

Humb jetën një turist malazez në Malësinë e Madhe

Sterjovski u largua nga koalicioni, Berisha: Sa i vjetër është njeriu, po aq e vjetër është edhe tradhtia

Një apartament dhe një garazh, konfiskohen rreth 500 mijë euro pasuri të Alda Klosit

E-TJERA

Akuzohet se planifikoi vrajsen e Behar Sofisë, 35 vite burg për Jemin Sherën

Politiko 12 Mars 2025, 13:12

Akuzohet se planifikoi vrajsen e Behar Sofisë, 35 vite burg për Jemin

Gjykata e posaçme dënoi me 35 vite burg Jemin Sheren personin që akuzohet se planifikoi vrajsen e Behar Sofisë.

Ky dënim është dhënë në mungesë të të pandehurit, pasi Shera ndodhet në kërkim.

Në përfundim të gjykimit, trup gjykues i përbërë nga gjyqtarët Rudina Palloj, Elsa Ulliri dhe Etleva Deda e ka dënuar Jemin Sherën bazuar në nenin 55 të Kodit Penal, duke bashkuar dënimet e mëparshme.

Hetimet për ngjarjen dhe si ndodhi vrasja e Behar Sofisë

SPAK tha se nga hetimet ka rezultuar se Shera e ka marrë porosinë për të ekzekutuar Behar Sofinë dhe për ta realizuar vrasjen ka krijuar grupin kriminal.

Pjesëtarët e grupit e kanë vëzhguar shënjestrën e tyre për gjashtë muaj më radhë deri në momentin kur e ekzekutuan mëngjesin e 25 shkurt të vitit 2021, në afërsi të piramidës në Tiranë.

Për të provuar akuzat ndaj Jemin Sherës, prokuroria depozitoi 168 prova shkresore si dhe kërkoi pyetjen e 16 dëshmitarë dhe 5 bashkë të pandehurve në të njëjtin proces, Bujar Leza, Xhuliano Visha, Skënder Vathi, Leonard Xhixha dhe bashkëpunëtori i drejtësisë Ernejt Shyti.

Shera dhe të pandehurit e tjerë ekzekutuan Behar Sofinë kundrejt pagesës. Si ekzekutor veproi Ernejt Shyti. Ndërsa, pavarësisht se kanë kaluar vite nga krimi që tronditi Tiranën nuk janë identifikuar urdhëruesit. Motivi i vrasjes së biznesmenit dyshohet të jenë përplasjet e grupeve kriminale në trafiqet e drogës.

Të fundit