Flash News

I riu denoncoi gjendjen skandaloze të rrugës, dy zyrtarët e PS e dhunojnë (VIDEO)

Ekzekutohet me armë zjarri roja i një objekti në Vlorë

Berisha pritet me entuziazëm nga qytetarët në Pogradec

Aksidentohet autobusi i ekipit të volejbollit të Korçës, tre vajza përfunojnë në spital

Funerali i Papa Françeskut bën bashkë Trump dhe Zelenskyy, ja ç'biseduan

OP-ED

Nga Foltorja te listat: PD, u hap apo u mbyll?

Politiko 12 Mars 2025, 19:20
Nga Foltorja te listat: PD, u hap apo u mbyll?

nga Marsel Lela

Slogani i parë i Foltores së Sali Berishës ishte: ‘Më të hapur. Më të fortë. Më të bashkuar’. Po të listosh dy termat që kanë qarkulluar më shumë këto ditë në PD dhe rreth saj, fare lehtë mund të thuhet se janë ‘të hapur’ dhe ‘të mbyllur’, duke iu referuar pozicionit të kandidatëve në lista.

Slogani sot, rrjedhimisht, do të rrotullohej te “të hapurit dhe ‘të mbyllurit’. Siç e dini, të gjithë sot kanë dashur të jenë ‘të mbyllur’ dhe jo ‘të hapur’ në listën e Berishës. Në këtë sens duket se PD ka bërë një rrethrrotullim. Kjo nuk do të thotë se nuk është hapur një shteg dhe një rrugëtim tjetër. Cilido qoftë ai. Por, siç gjërat janë sot, ato ashtu edhe duken.

Tensioni në Partinë Demokratike duket i ngrirë, si një ajsberg që do të godasë dikë, diku. Kjo edhe për faktin se, pavarësisht një ngrohjeje me idenë e pushtetit, të gjithë duan të jenë ‘të sigurt-të mbyllur’.

Ironik për disa prej demokratëve, duket sidomos fakti se, do të kenë në Kuvendin e ardhshëm Mesila Dodën dhe Shpëtim Idrizin. Dy deputetë të sigurt…të Ramës.

Ironik është po aq fakti se, lista e kandidatëve ‘të mbyllur’ ngjan si dhjetra pika uji me grupin parlamentar të 2013. Me një ndryshim…ky aktuali është stoli i rezervave të asokohe. Hiq Trajnerin Berisha dhe cheerleader-en Jozefina.

Atë që kryetari i demokratëve e premtoi disa herë, dhe në disa forma, prania e të rinjve, vazhdon të jetë jo më shumë se jehona e një ideje të mirë.

Floriana Garo, për shembull, ndër pak individë që guxuan nga shoqëria dhe iu bashkuan partisë dhe Berishës në ditët e kiametit, nuk do “të kyçet” në këtë listë. Nuk ka pra hapje dhe as Shoqeri ne lista. Shoqni partiake, po.

Për t’u kthyer te slogani, që dukej se ishte edhe premtimi solemn i Berishës së Foltores, ‘më të hapur’, mbeti vetëm një nevojë e së shkuarës, por jo edhe dëshirë e së ardhmes. PD u duk sikur u bashkua në fund, kur u ngjiz orkesi i listave, por kjo është vetëm forca e përkohshme e ambicjeve individuale.

Në fund, duhet thënë se ky nuk është fundi. Çdo listë, sado e mirë qoftë, do të hapte debat. Duke mos qenë lista e Shindlerit, ndoshta ajo qëndron politikisht. Por, i mungon bashi i një anijeje që sheh qartë brigjet e fitores.

Për këtë, siç shumë demokratë besojnë, dhashtë Zoti, ndihmon…Amerika.

Të fundit