Flash News

Dy makina përplasen në aksin Kardhiq–Delvinë, një i vdekur e 3 të plagosur

Udhëkryqi që sjell protesta për Zvërnecin: Nga do t’ia mbajë Shqipëria

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

Makina përfundon në kanal, banorët shpëtojnë babë e bir

E-TJERA

Curri: Vendimi i GJK për Veliajn është politik, Ramës nuk i duheshin zgjedhje

Politiko 3 Nëntor 2025, 22:32

Curri: Vendimi i GJK për Veliajn është politik, Ramës nuk i

Gjykata Kushtetuese i dha sot të drejtë Erion Veliajt për të vijuar detyrën si kryetar i Bashkisë së Tiranës.

Me këtë vendim, u rrëzua vendimi i Qeverisë që shkarkonte kryebashkiakun e Tiranës, pas propozimit që i kishte bërë Këshilli Bashkiak i Tiranës si dhe anulohet dekreti i Presidentit Bajram Begaj për caktimin e datës së zgjedhjeve në Tiranë.

Në “Top Story”, analisti Arjan Curri e quajti këtë akt si një vendim politik. Sipas tij Ramës nuk i duheshin zgjedhjet në Tiranë.

“Unë pashë sot që gjyqtarët e majtë dhe një e djathtë votojnë pro Veliajt. Ka një strategji të vetë Ramës për ta lehtësuar Veliajn duke i rënë nga ana e drejtësisë për ta liruar politikisht.

Unë e shoh sërish Ramën si regjisor, sepse Ramës sipas meje nuk i duheshin zgjedhje për Tiranën. Ai ndryshon strategjinë kur e di që nuk ka komoditet për drejtimin e vendit. Të kishte dhe zgjedhje do ishte një kokëçarje shumë e madhe. Vendimi i gjykatës është politik.

Pushteti i tij personal nuk iu cenua. Vetëm ai e ka pushtetin. Qeverisja e tij nuk i duhet zgjedhje. Rama ka ngrirë gjithë dinamikën politike”, u shpreh Curri.

Të fundit