Flash News

U lirua me kusht, Salianji paraqitet te Shërbimi i Provës

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

E-TJERA

Çështja e detit me Greqinë, Paskal Milo: Shqipëria ka përvojën e incidentit të kanalit Korfuzit në Hagë

Politiko 20 Tetor 2020, 20:27

Çështja e detit me Greqinë, Paskal Milo: Shqipëria ka

Ish-ministër i Jashtëm, Paskal Milo ka komentuar çështjen e kufirit detar me Greqinë, duke sjellë në vëmendje përvojën e Shqipërisë në incidentin e Kanalit të Korfuzit me Britaninë e Madhe, e cila gjithashtu është zgjidhur nga Gjykata Ndërkombëtare e Hagës.

Duke folur në Euronews, Milo thotë se Shqipëria duhet të krijojë sa më shpejt një ekip ekspertësh si dhe të kërkojë konsulentë ndërkombëtarë nga kompani që kanë përvojë në të drejtën ndërkombëtare detare si dhe Shqipëria duhet të kërkojë të marrë atë që i takon me ligjin ndërkombëtar të detit.

“Shqipëria e ka një përvojë në këtë drejtim. Gjykata Ndërkombëtare ka gjykuar në 1947-49 incidentin e kanalit të Korfuzit. Në korrik 1947 të dy palët (Britani-Shqipëri) ranë dakord që Hagës t’i drejtojnë dy pyetje. Një pyetje ia drejtoi pala britanike dhe një tjetër pala shqiptare.

Edhe tani të ndodhë e njëjta gjë. Të dy palët do të shkojnë me një marrëveshje kompromisi se çfarë pyetjesh dhe çështje do të ngrenë para gjykatës. Pas kësaj hapet procedura në gjykatë. Gjykata Ndërkombëtar ka një ekspertizë shumë të madhe sepse janë gjykatësit më me integritet dhe me shumë përvojë dhe kanë ekipe ndihmëse. Në një gjykim të një trupe ndërkombëtare të mirënjohur ke shanse që të ketë një gjykim objektiv dhe profesionist.

Mesi i artë nuk gjendet kollaj por unë mendoj se duhet pasur koncept të qarta se çfarë kërkojmë. Ka një ngatërresë mes ujërave të brendshme, zona ekonomike ekskluzive dhe shelfit kontinental. Këtu më tepër kërkohet përcaktimi i zonës ekonomike dhe sheflit kontinental pasi kufirin detar e kemi pasur të përcaktuar.

Duhet të kërkojmë në bazë të konceptit të Montego Bay atë çfarë na takon. Atje ku ka mundësi ne të kërkojmë zbatimin e 12 miljeve të detit territorial ë kërkojmë pastaj zonën ekonomike ekskluzive të kërkojnë zonën e ndërmjetme mes detit territorial dhe mes zonës ekonomike ekskluzive dhe shelfit kontinental”, u shpreh Milo.

Çështja e incidentit të kanalit të Korfuzit i referohet dëmtimit të dy luftë anijeve britanike nga minat dhe ku mbetën 44 persona të vrarë dhe 42 të plagosur në nëntor 1946 pasi hynë në ujërat territoriale shqiptare duke shkelur sovranitetin. Gjykata e Hagës pranoi faktin se futja e anijeve luftarake angleze në ujërat shqiptare, ku ndodhi incidenti, ishte shkelje e sovranitetit të Shqipërisë por vendimi përfundimtar e fajësoi Shqipërinë për incidentin, dhe lëshoi një vendim, sipas të cilit Shqipëria duhej t’i paguante 844.000 paund Mbretërisë se Bashkuar.