Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

Fuga distancohet nga studimi i ASH-së për imunitetin e tufës: I nxituar dhe pa transparencë

Politiko 16 Janar 2021, 20:09
Fuga distancohet nga studimi i ASH-së për imunitetin e tufës: I
Akademiku Artan Fuga

Akademiku Artan Fuga si anëtar i Akademisë së Shkencave është distancuar nga deklarata e fundit e këtij institucioni se në Shqipëri po arrihet imuniteti i tufës.

Përmes një deklarate në Facebook, Fuga thotë se këto deklarime nuk janë të besueshme, pasi janë të nxituara dhe të pa vërtetuara dhe pa respektuar deontologjinë e kërkimit shkencor.

Sipas tij, Akademia e Shkencave për qëllimet e saj, i vendos vulën zyrtare këtyre studimeve individuale, pa pasur asnjë argument, asnjë kompetencë dhe asnjë të drejtë ligjore që të zyrtarizojë rezultate të caktuara kërkimesh individuale.

"Akademia e Shkencave zyrtarizon rezultatet e një studimi të bërë nga persona të veçantë, ajo deklaron se duhen muaj që të shkruhet raporti përfundimtar i studimit duke u nxituar pra të paraqesi të dhëna të pastrukturuara nëpërmjet arsyetimeve të plota shkencore dhe të panënshtruara gjykimit publik, që është kërkesa e parë e një shkence të vërtetë transparente dhe të besueshme", u shpreh Fuga.

Ai thotë se ASh nuk duhet të angazhohet në përgjegjësi për të cilat nuk ka autoritete të mjaftueshme dhe kompetencë.

"Arritja e imunitetit të tufës që merr përsipër pa asnjë kompetencë instituccionale Akademia e Shkencave është një fakt që sot as mund të provohet dhe as mund të hidhet poshtë", shtoi akademiku.

Sipas tij, rruga e drejtë do të ishte pikërisht që pushteti publik të mobilizonte komunitetin shkencor dhe të shërbimeve të specializuara për të diagnostikuar me seriozitet, jashtë qëllimeve joshkencore, gjendjen e epidemisë në vend.

Të fundit