Humbja e PD, Imami: Rama manipulator, por Basha s’mund të qëndrojë më në krye të partisë

Ish-anëtari i kryesisë i Partisë Demokratike Arben Imami ka komentuar sërish humbjen e Partisë Demokratike në zgjedhjet e 25 prillit dhe situatën e krijuar në parti.

I ftuar në studion e “Absolut 4”, Imami thotë se ka pasur manipulime të zgjedhjeve nga PS, por thekson se kryetari i partisë pas humbjes së dy palë zgjedhjeve nuk mund të qëndrojë më.

“Ka pasur manipulime paraprake dhe të gjithë e dimë kush është Edi Rama manipulatori më i madh që ka parë historia e zgjedhjeve në Shqipëri. Por kryetari i partisë pas dy zgjedhjeve të humbura nuk mund të qëndrojë në një vend, pasi ka përgjegjësi objektive. Mirë që është recidivist si humbës, por PD është futur në një sindromë që; nuk fitojmë me Ramën.

Themelore është që një lider partie pas një palë zgjedhjeve të humbura në Europë, jo për Bangladeshin dhe Mozambikun. PD është anëtare e PPE dhe pas humbjes kryetari i partisë tërhiqet. Ka pasur raste rikandidimi më vonë. Mos reflektimi nga ana e partisë është i gabuar”, tha Imami.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm