Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Portreti i Pambaruar”, diktatura komuniste shqiptare vjen përmes një historie të ndaluar dashurie

Politiko 24 Maj 2022, 10:03

“Portreti i Pambaruar”, diktatura komuniste shqiptare vjen

Një histori dashurie e ndaluar që do të portretizojë diktaturën komuniste në Shqipëri. “Portreti i Pambaruar”, historia e një djali shqiptar me vajzën e ambasadorit italian në Tiranën e izoluar të viteve 1980.

Me regji nga Namik Ajaz dhe skenar të Selami Pulaha, filmi u shfaq në Frankfurt të Gjermanisë, nën kujdesin e konsulles së nderit të Republikës së Shqipërisë, Dr. Jonela Hoxhaj.

Gjatë prezantimit, konsullja shqiptare tregoi arsyen se pse zgjodhi pikërisht një film të tillë, i cili i referohet diktaturës së hershme komuniste.

"Përgjigjen e kësaj pyetje dua ta nis me nje shprehje të goditur të dizajnerit japonez me famë botërore, Yohji Yamamoto: "With my eyes turned to the past, I walk backwards into the future”. Dhe sa më tepër kalon koha, aq më e qartë më bëhet se ç'rëndësi të madhe ka e kaluara e afërt e një kombi si në planin personal për të kuptuar dhe ndeshur me vetveten, ashtu edhe në planin ndërkombëtar në marrëdhëniet me vendet e tjera dhe aspiratat për të ecur përpara”, tha Jonela Hoxhaj.

Sipas saj "Diktatura, izolimi, ndrydhja apo asgjësimi i mendimit të lirë, janë tema universale, që jo vetëm nuk duhen harruar, por përkundrazi. janë më aktuale se kurrë. Shumë zhvillime shqiptare të viteve të fundit, si pozitive edhe negative, bota nuk mund t'i kuptojë pa njohur sadopak këtë pjesë thuajse 50-vjeçare të historisë sonë, e cila shpesh anashkalohet në reportazhet e dokumentarët e këtushme mbi Shqiperinë. Dhe askush nuk mund ta bëjë këtë më mirë se ne, që e kemi përjetuar atë kohë.”

Regjisori i filmit Namik Ajazi, ka folur për historinë mbi të cilën është ndërtuar filmi. Ajazi u shpreh se “Të guxoje të kishe një flirt me një të huaj në atë kohë ishte si vetëvrasje lidhur me atë se cilat do të ishin pasojat.”

Ndër të tjera, regjisori shprehet se na duhen ende filma për të hedhur dritë mbi kohën e vështirë të diktaturës, në mënyrë që brezat e sotëm dhe të së ardhmes të njihen me historinë e kohës së izolimit.

“Ende na duhen filma, që të revokojnë atë kohë të vështirë deri në absurd, pasi brezat që po rriten të përfshirë në ritmin e shfrenuar të së sotmes, me risitë dhe evolucionin e mjeteve të komunikimit, pak u vjen informacion për atë kohë të largët e të afërt njëkohësisht”, u shpreh Ajazi.

Në personazhin kryesor të filmit vjen Antonio Kodrinaj, i cili nuk e ka jetuar periudhën e komunizimit, por i është dashur të hyjë nën lëkurën e personazhit protagonist. Teksa foli për rolin, Antonio u shpreh se skenari e ka emocionuar dhe se për t’u përshtatur më shumë me personazhin, i është dashur të lexojë disa libra dhe të shohë filma që flisnin për kohën e diktaturës.

Pas premierës në Frankfurt mbi Main bashkëprodhimi shqiptaro-italian "Portreti i pambaruar”, i cili fitoi çmimin si "Filmi më i mirë i gjatë” në edicionin 21 të Festivalit të Filmit Indipendent Days në Kalsruhe në Gjermani, po vazhdon të shfaqet në kinemanë me traditë të Frankfurtit "Orfeo's Erben”.