Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

E-TJERA

Sondazhi/ Shqiptarët s’kanë besim te politika dhe drejtësia, 5 institucionet më të korruptuara

Politiko 21 Shtator 2022, 12:59

Sondazhi/ Shqiptarët s’kanë besim te politika dhe

Partitë politike dhe instiucionet e drejtësisë kanë shkallën më të ulët të besueshmërisë. Qytetarët shqiptarë vijojnë të kenë më shumë besim te organizmat ndërkombëtare si NATO, OKB dhe BE, pavarësisht se niveli ka ardhur në rënie.

Më shumë se gjysma e të anketuarëve e kanë konsideruar qeverinë (57.4%) dhe bashkitë si jo transparente. Sa i përket korrupsionit, mbi 83.1% e shqiptarëve thonë se ekziston si te niveli i ulët dhe tek ai i lartë.

Pesë institucionet që u renditën si më të korruptuarat në 2021 ishin gjyqësori, ndjekur nga institucionet e kujdesit shëndetësor, administrata publike, institucionet vendore dhe policia.

68.4% e qytetarëve nuk kishin besim te ndjekja penale e rasteve të korrupsionit të nivelit të lartë. Një pjesë e të anketuarve kishin qenë dëshmitarë të rasteve të korrupsionit në nivel qeverisjeje qendrore dhe vendore.

29.4% e qytetarëve që kishin marrë një shërbim nga qeveria vendore raportuan se i kishin paguar ryshfet një zyrtari publik të këtij niveli. Ndërsa 34.6% e qytetarëve thanë se kishin paguar ryshfet te zyrtarët e qeverisë qendrore.

Afro gjysma e të anketuarëve mendojnë se Prokuroria dhe gjykatat konsiderohen si institucionet më shumë të ndikuara politikisht. Sakaq, interesi i qytetarëve për të marrë pjesë në proceset e vendimmarrjes të institucioneve publike vijoi të bjerë në 2021, në 43.5% krahasuar me vitin paraardhës.

40.3% e qytetarëve besonin se institucionet publike i marrin në konsideratë sugjerimet që vijnë nga shoqëria civile. Mbi gjysma e të anketuarëve u shprehën të pakënaqur me respektin e treguar nga institucionet për të drejtat dhe liritë e njeriut.

Ndërkohë, televizioni mbetet burimi mediatik më popullor, veçanërisht tek njerëzit që jetojnë në zonat rurale, edhe pse mediave sociale dhe portaleve online po u rritet popullariteti.

 

Dokumenta bashkëngjitur

Të fundit