Presidenti Ilir Meta ka përshëndetur kryesimin nga Gjermania të Presidencës 6-mujore së Bashkimit Europian.
Sipas Metës, vendosja e Shqipërisë dhe Maqedonisë së Veriut në krye të agjendës evropiane, është një mundësi që nuk duhet humbur kurrsesi!
“Sot Gjermania nis kryesimin e Presidencës së Bashkimit Europian.
Mirënjohës për vendosjen e Shqipërisë dhe Maqedonisë së Veriut në krye të agjendës europiane. Kjo është një mundësi që nuk duhet humbur kurrsesi!
Shqipëria duhet të zbatojë të gjitha kushtet e vendosura sa më parë.
Takimi i djeshëm me Kryetarin e Parlamentit ishte një hap i parë optimist për vijimin e emërimeve të Gjyqtarëve të tjerë Kushtetues.
Shpresoj që kjo të frymëzojë një qasje të ngjashme gjithëpërfshirëse në të gjitha fushat ku nevojiten reforma kyçe.
Pritshmëritë për nisjen e negociatave të anëtarësimit gjatë Presidencës gjermane janë të larta.
Nuk do të kursej asnjë përpjekje për Shqipërinë Europiane!”, shkruan Meta.
Financuar Nga Bashkimi Europian
