Ish-deputetja e PD kundër linjës së opozitës: Arta Marku, njeri i afërt i familjes time; e bindur se do luftojë krimin dhe korrupsionin

Ish-deputetja e Partisë Demokratike, Albina Deda ka pranuar se ka lidhje familjare me kryeprokuroren e përkohshme të Shqipërisë, Arta Marku. Marku është mbesa e burrit të Albina Dedës dhe ish-deputetja thekson se ndihet krenare për këtë fakt.

Por ndryshe nga qëndrimi i mbajtur nga Partia Demokratike, se Marku në atë post do të shërbejë vetëm si figurë, pasi kryeprokuror do të jetë vetë kryeministri Edi Rama, Deda ka besimin se guximi dhe profesionalizimi i kryeprokurores së re do të rezultojë me luftën pa kompromis ndaj korrupsionit dhe krimit.

Reagimi i Albina Dedës:

Pertej nje sqarimi!

Te dashur miq!

Zgjedhja e Prokurores se Pergjitheshme te perkoheshme ka bere qe gjithe keto dite te kem qene rendom e lakuar ne media,portale e rrjete sociale ndaj obligohem te sqaroj sa me poshte:

-Eshte shume e vertete se Arta Marku eshte njeri i afert i familjes time dhe per kete jam krenare.

Kam qene dhe jam prane saj çdo moment dhe indinjohem thelle nga pergojime e hamendesime te pabaza dhe shpifje te rendomta ordinere qe behen ndaj saj.

-Une nuk jam konstitucionaliste dhe as juriste por ajo qe mund ti servir hapur gjithe miqve dhe publikut eshte fakti se personaliteti dhe integriteti moral e profesional i prokurores Arta Marku eshte nje model i cili i ben nder ne çdo rast sistemit te drejtesise.

-Arta Marku eshte po ashtu modeli i familjares se perkryer,i nje zonje shembullore per familjen e saj, te afermit dhe miqesine.

-Prejardhja dhe geni familjar i Artes duhet ti bejne te skuqen ata qe intrigojne dhe hamendesojne te paqena.Nder brezni familjare ajo shquhet per atdhetari,nder,dinjitet,bujari,sojni e krenari te cilat i ka manifestuar dhe do i manifestoje me konseguence dhe ne kete post te larte.

-Une i perkas pa u lekundur asnje çast opozites,asaj opozite anti-komuniste,jo perfituese e jo abuzuese dhe insistoj per nje reformim te sistemit ne teresi dhe atij te drejtesise ne veçanti.

Por sistemin e bejne njerezit dhe Arta Marku ju siguroj se eshte njeri nga personat e duhur qe kuron me guximin,ndershmerine e profesionalizmin kete sistem te perçudnuar nga klonet e shemtuara te diktatures qe akoma e sundojne.

Edhe njehere proklamoj simpatine time te pakursyer per Arta Markun dhe besimin se do ta tregoje shume shpejt se eshte e drejte dhe pa kompromis ndaj krimit e korrupsionit pavaresisht nga vjen e ç’emer ka.

Berisha paralajmëron rikthimin e Topallit, Patozit, Bregut, Imamit: Disa hapa po bëhen; Basha i vetëdijshëm për kontributin e tyre