Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

KRYESORE

Kaloi vdekje klinike, ndërron jetë nga COVID-19 ish-trajneri i Boksit Skënder Kurti

Politiko 5 Prill 2020, 19:27
Kaloi vdekje klinike, ndërron jetë nga COVID-19 ish-trajneri i Boksit

Skënder Kurti, ish-boksieri dhe më pas trajner i boksit, i prekur nga koronavirusi ka ndërruar jetë pasditen e të dielës. Lajmin zyrtar e dha Ministria e Shëndetësisë. Skënder Kurti ndodhej prej disa ditësh në trajtim intesiv, pasi më herët kaloi edhe në vdekje klinike. Ai ndodhej prej 20 ditësh në Spitalin Infektiv në gjendje të rëndë i intubuar.

“Ka ndërruar jetë sot në spitalin infektiv 61-vjeçari me inicialet S.K., i shtruar prej 20 ditësh në spital, në gjendje të rëndë, i intubuar. Më herët 61-vjeçari nga Tirana pësoi vdekje klinike dhe prej disa ditësh gjendja e tij ishte rënduar së tepërmi. Pavarësisht përpjekjeve të mjekëve të Spitalit Infektiv në terapinë intensive, 61-vjeçari që vuante nga hipertensioni, nuk ia ka dalë të mbijetojë.

Ministria e Shëndetësisë dhe Mbrojtjes Sociale i shpreh ngushëllimet familjes së të ndjerit. Ministria e Shëndetësisë i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye, për të parandaluar transmetimin e COVID-19”, thotë ministria.

Të fundit